“Wees stil”

Siel in angs, God sê vandag vir jou: “Wees stil en weet Ek is God.” Daar is ‘n rede waarom Hy dit sê. Dit wat jy doen, gebore uit angs, keer dat God sy krag in jou kan bewys. Dit beteken nie dat jy passief of lui moet wees nie; maar slegs dat jy moet doen wat Hy jou lei om te doen en nie in eie krag sal voortstu nie! Dit beteken ook dat jy jou eerstens aan Hom sal onderwerp, en dan sal wag! Met ander woorde, maak seker dat jy vrede het oor die idees wat jy glo God aan jou gegee het. Vra Hom om Sy wil aan jou bekend te maak, en wees dan stil en erken dat Hy God is; Hy is in beheer en Hy weet wat Hy doen! Leer om Hom te vertrou sonder om altyd te wil weet wat Hy gaan doen, wanneer Hy dit gaan doen en hoe Hy dit gaan laat gebeur.

Jesus het gesê: “Ek is die druiwestok, julle is die lote.” (Joh 15:5 NLV) Totdat jy regtig hierdie woorde jou eie maak, sal jy aanhou om dinge, eie aan God, op eie stoom te probeer doen – soos om jouself te seën, jou eie bediening te bevorder, jou eie probleme op te los en jou eie gebede te beantwoord. Hou op daarmee! Doen minder en vertrou meer! Jesus het gesê: “Ek is die druiwestok, julle is die lote.” Al wat jy moet doen is om verbind te bly!

© 2009 Radiokansel.co.za