In die Bybel is een van die name wat God aan Homself toeken ‘Jehovah Rapha’. Dit beteken ‘Ek is die Here wat genees’. As God Homself die geneesheer noem, kan jy glo wat Hy sê, en verwag dat Hy Sy rol met bekwaamheid sal vervul. Sy geloofwaardigheid is onderworpe daaraan dat Hy aan die vereistes van Sy Naam moet voldoen. Die Psalmskrywer het gesê: “…U het U Naam en U Woord bo alle dinge verheerlik.” (Psalm 138:2 NLV). Het God verander? Nee; Hy sê: “Ek is die Here, Ek verander nie.” (Maleagi 6:3 NLV). Hy is steeds wat Hy was. Hy doen steeds wat Hy gedoen het. As jy of ‘n geliefde siek is, moet jy die volgende twee dinge doen:
1) Bid gelowig. Om in ‘n verhouding van goeie trou te staan, beteken dat al twee partye mekaar vertrou. Die vertroue is ‘n rasionele besluit wat gemaak word deur hulle wil; nie deur emosies nie. Geloof is jou wil wat besluit dat God Sy beloftes aan jou sal nakom. Jy moet weier om te sê: “As ek maar net meer positief kon voel.” Jesus het gesê: “Alles wat julle in die gebed vra, glo dat julle dit al ontvang het, en dit sal vir julle so wees.” (Markus 11:24 NV).
2) Kry geloofsvriende wat saam met jou kan bid. “…bid vir mekaar, sodat julle gesond kan word.” (Jakobus 5:16 NV). “Verder verseker Ek julle: As twee van julle op aarde oor enige saak saamstem en daaroor bid, sal My Vader wat in die hemel is, hulle dit laat kry…” (Matteus 18:19 NV).
Bron : Radiokansel
