Benaja was een van koning Dawid se “dapper manne”. In sy CV staan: “… Benaja was ‘n [dapper] vegter … Hy [het] op ‘n sneeudag in ‘n droë put afgeklim en ‘n leeu daar doodgemaak.” Die grootste dapperheid is om moedig te wees terwyl jy vrees in die gesig staar. Iemand het eendag gesê: “Dapperheid is net vrees wat gebid het.” Wanneer jy weet dat jy duidelik van God gehoor het, is jy op daardie oomblik gevul met geloof. As jy egter daarna in die geloof optree, kom jy die leeus van vrees teë. “Wat as dit nie werk nie? Wat as ek misluk? Wat sal die mense sê?”
Mark Twain het gesê: “Dapperheid is weerstand teen vrees, die bemeestering van vrees, nie die afwesigheid van vrees nie.” Jy moet besluit of jy ‘n vegter of ‘n verloorder wil wees wat deur kommer platgetrek word. Daar is geen middeweg nie. Wanneer jy gekonfronteer word met ‘n gesondheids-, familie-, of finansiële krisis, het jy ‘n keuse om op God se Woord te staan en te veg, of om aan bekommernis oor te gee.
Ons sal nooit ten volle verstaan hoekom slegte dinge met goeie mense gebeur nie. Ons weet egter dat God goed is – die hele tyd! Wanneer slegte dinge gebeur, sal jy of ingee van vrees en toelaat dat dit jou vrede en welstand vernietig, of jy sal ‘n vegter gewapen met God se Woord word en daarteen opstaan. As vrees dreig om jou gedagtes oor te neem, staan op saam met die Psalmdigter en sê:
“Die dag as ek bang word, vertrou ek net op U.” (Ps 56:3 NV).
Bron : Radiokansel (Inhoud aangepas)
