Soms sê God nie vir ons Hoekom nie omdat Hy wil hê dat ons moet weet Wie. In Psalm 23 praat Dawid aanvanklik van God “Die Here is my herder” en later met Hom, “U is naby my”. Wat het tussenin gebeur? Dawid het geleer dat ongeag hoe donker sy pad is, die Here altyd daar is om ons te lei. Hy ontdek dat dit beter is om saam met God deur die vallei te stap as om alleen op die bergpiek te staan. God verlig nie altyd ons pad vooruit nie, maar hy belowe: “Wanneer jy deur diep water gaan, sal Ek by jou wees. Wanneer jy deur riviere gaan, sal hulle jou nie wegspoel nie” (Jes 43:2 NLV).
Wanneer jy uit jou diepte voel, maak aanspraak op hierdie belofte! Job het baie onbeantwoorde vrae gehad, maar toe hy die verskil tussen rede en verhouding begin verstaan het, het hy vir God gesê, “Tot nou toe het ek .van U gehoor, maar nou het ek U met my eie oë gesien (Job 42:5 NLV). Wanneer jy nie die rede kan vind nie, vertrou die verhouding. God sal jou nie faal nie.
Die donkerte nie altyd die vyand se werk nie. Soms is dit God se effektiefste onderrigmeganisme. “Kort voor dagbreek. kom Jesus op die see na hulle aangeloop hulle was verbaas” (Mar 6:48:51 NLV). Jy sal die Here leer ken as jy saam met Hom deur storms gaan. Die Psalmdigter het gesê, “Dan is die nag vir U nie donker nie, maar so helder soos dag, want duisternis is vir U soos lig” (Ps 139:12 NLV). In plaas van om weg te hardloop – vra vir God om jou nagvisie te ontwikkel, sodat jy die “skatte wat weggesteek is in die donker” (Jes 45:3 NLV) kan sien.
© Radiokansel 2009
