Die Joodse jongmanne sou hulle ervaring met die Here in die brandende oond miskien só beskryf: ‘Die vuur was om ons. Ons klere het gebrand, maar ons liggame was wonderbaarlik ongeskonde. Iets het tussen die as beweeg; ons was nie alleen nie. Skielik het ‘n skitterende Persoon uit die rook gekom! Ons weet nie wie Hy was nie, Hy het nooit Sy naam genoem nie. Hy het glad nie gepraat nie. Net om te weet dat Hy daar is, was egter ‘n groot troos. Sy teenwoordigheid het ons te midde van die krisis beskerm. Die vuur was nie geblus, of die hitte minder nie. Nee, die vuur het steeds gebrand, maar Sy teenwoordigheid was veel helderder as die vlamme.’
‘Ons het Hom nooit weer gesien nie; Hy het verskyn toe ons Hom nodig gehad het. Ons weet nou egter dat ons bly is dat hulle ons uit die teenwoordigheid van die bose koning na die teenwoordigheid van die Regverdige Een gesleep het! In Sý teenwoordigheid het ons geleer, ‘Maar geen wapen… sal iets teen jou kan uitrig nie. Elke aanklag teen jou sal jy weerlê. Dit is die erflating van die dienaars van die Here.’ Is jy vandag in die smeltkroes? Besef net dat jy nie alleen is nie – God is met jou! Wees dapper! Wanneer Hy jou deur die beproewing gedra het, sal jy Hom beter ken, meer vertrou, en jy sal iets hê om mee te deel waarna ander sal wil luister.
Bron : Radiokansel
