“Toe vra die man: ‘Wat is jou naam?’ en hy antwoord: ‘Jakob.’ Die man het gesê: ‘Jy sal nie meer Jakob genoem word nie, maar Israel, want jy het teen God en teen mense ‘n stryd gevoer en jy het dit end-uit volgehou.'” (Gen 32:27-28). God het Jakob geforseer om na sy ware identiteit te kyk. Hy het hom gedruk om te sien wie hy regtig was – om nie te aanvaar wat ander van hom dink nie. Sy ouers het vir hom sy naam gegee en hy het dus aanvaar dat dit was wie hy was. Maar God het ‘n ander plan vir hom gehad.
Dink hieraan: jy is nie wie ander sê jy is nie, so hoek om moet hulle vir jou ‘n naam gee? Bepaal wie jy is voor God. Laat Hy jou sukses bepaal. Hoekom kan ander hul potensiaal verwesenlik, maar nie jy nie? Jy is meer as jou verlede, jou onderrig of jou CV, meer as die kleur van jou vel, jou bankrekening of jou omstandighede. As iemand op jou neersien of jou minderwaardig laat voel, moet jy vir hulle sê: “Jy verwar my met iemand anders. God sê ek is ‘n prins. En as ek ‘n prins is, moet ek soos een behandel word!” Dalk wonder jy of dit waar is. Ja. Die Bybel sê as jy saam met God wandel, maak jy deel uit van ‘n konklike priesterdom. (1 Pet 2:9). So droog jou trane af, tel jou kop op, maak reguit jou skouers en aanvaar die identiteit wat God jou gegee het.
Bron : Radiokansel
