Hannah Whitall Smith skryf: ‘God kan dalk met baie verskillende stemme spreek, maar daar kan net één boodskap wees. Wanneer God my met een stem iets beveel, kán Hy my nie met ‘n ander stem beveel om die teenoorgestelde te doen nie. My metode om God se stem te herken, is dus om die harmonie-toets toe te pas.’ Jy kan die volgende doen om te bepaal of dit God is wat jou lei: 1) gló dat Hy ‘n plan vir jóú lewe het; 2) vra hom in gebed om dit aan jou te wys; 3) gehoorsaam Hom, al weet jy nie alles wat jy graag sou wou nie; 4) vertrou dat Hý jou pad bepaal, selfs in moeilike tye.
Die akteur, Charlton Heston het gedurende die skiet van die film Ben-Hur hard daaraan gewerk om die Romeinse strydwa vir die film se groot strydwa-wedren te leer beheer. Hoewel hy goed gevorder het, was Heston daarvan oortuig dat hy dié spesifieke kuns nie sou kon bemeester nie. Hy het aan die legendariese filmregisseur Cecil B DeMille gesê, ‘Ek dink dat ek die strydwa vir die toneel oortuigend sal kan bestuur, maar ek dink nie dat ek die wedren kan wen nie.’ Na ‘n oomblik se stilte het DeMille geglimlag en gesê, ‘Ry jy net, ék doen die regie.’ Hy hét, en die wedren is steeds een van die film se hoogtepunte. Jy hoef nie al die antwoorde te hê nie. Jy hoef net te weet dat jy al die instruksies wat God aan jou gegee het, nagekom het. Wanneer jy dít eenmaal besef, moet jy nét ry, God sal bestuur!
Bron : Radiokansel
