Gladys Aylward was ‘n gewone vrou wat gedoen het waarvoor God haar geroep het. In die dertigerjare het sy haar huis in Engeland opgegee en met ‘n boot China toe geseil, waar sy ‘n weeshuis opgerig het vir kinders wat aan die genade oorgelaat is. Sy het in die Bybel gelees: “.as jy jouself opoffer ter will van dié wat verdruk word. Die Here sal jou altyd lei. sal Hy voorsien in jou behoeftes” (Jesaja 58:10-11 NLV). Toe Japan China binnegeval het, is Gladys gedwing om te vlug. 12 dae lank het sy deur die Chinese platteland getrek met 100 kinders in haar sorg. In uiters moeilike omstandighede en groot gevaar, het sy haar daaraan toegewy om vir elkeen van hierdie kinders ‘n moeder te wees. Jare later het sy haar wonderlike werk soos volg verduidelik: “Ek het dit nie gekies nie. Ek is daartoe gelei deur God. Ek stel nie regtig meer in kinders belang as in ander mense nie, maar God het my laat verstaan dat dit Sy wil was vir my lewe – en toe doen ek dit net!”
Jesus het gesê: “Net soos die Vader my gestuur het, stuur Ek julle ook” (Johannes 20:21 NLV). Die missie wat Jesus hier op aarde gehad het, is nou ook ons missie. “Ons moet aanhou om die werke te doen van Hom wat My gestuur het terwyl dit nog dag is; die nag is in aantog, wanneer niemand meer kan werk nie” (Johannes 9:4 NLV).
Slegs die koningkryk van God sal bly staan; alles anders sal uiteindelik vergaan. Om jou doel hier op aarde te vervul, beteken dat jy ‘n goeie en suksesvolle lewe sal lei.
Bron : Radiokansel
