Soms is dit wys om ‘n kompromie aan te gaan

Dit is nie altyd sleg om ‘n kompromie aan te gaan nie. Daar is natuurlik morele en etiese standaarde wat in die Skrif aan ons voorgehou word en geen plek laat vir ‘n kompromie nie. Sonder kompromieë kan argumente nie opgeklaar word nie, en kom onderhandelings nêrens nie. ‘n Goeie huwelik word gehandhaaf en versterk deur kompromieë. Ma’s en pa’s wat vir hulle kinders geen spasie gee nie, soek moeilikheid as die tienerjare aanbreek. Kinders wat nie kompromieë aangaan nie, baklei. Nasies met verskillende ideale, wat weier om na mekaar te luister en kompromieë aan te gaan, voer op die ou end oorlog.

Sê ons dalk dat dit maklik is? Of sonder enige risiko’s? Of dat dit natuurlik gaan kom? Nee. Dit is veel makliker (en veiliger) om op jou punt te bly staan, aan te hou glo dat jou manier die beste manier is en dat jou plan die enigste is om te volg. Die groot probleem is dat jy eng en alleen gaan op eindig, of omring deur ander wat nie vir hulself kan dink nie. Dit klink dalk veilig, maar dit is nie baie vervullend nie.

Terwyl jy streef om ‘n goeie karakter te bou, moenie wyse kompromieë miskyk nie. Gee jou hart toestemming om buigbaar te wees! Wees verdraagsaam teenoor diegene wat vir ander sake omgee en wat nie dieselfde as jy dink, aantrek of stem nie. Wees verdraagsaam teenoor diegene wat op die fyner teologiese puntjies van jou verskil en op ‘n ander wyse aanbid. Verdra die jeug wanneer jy ouer word en die seniors wanneer jy jonk is. Jesus se volgelinge was eenvoudige gelowiges, wat genade ontvang het en geanker was in die waarheid. Dit is wat Paulus bedoel het toe hy geskryf het: “Bewys eerbied teenoor mekaar.” Ons mekaar steeds respekteer ten spyte van ons verskille.

Bron: Radiokansel