Toe die koning van Israel in die nood was en ‘n metode gesoek het om die Siriërs te verslaan, het hy na Elisa gegaan. ‘ Elisa sê toe vir hom: “Vat jou boog en pyle.” Die koning het so gemaak. Elisa sê vir hom: “Sit jou hande op die boog.” Hy het so gemaak. Elisa sit toe sy eie hande oor die koning s’n. Daarna beveel hy: “Maak die venster na die ooste toe oop.” Hy het so gemaak. Elisa sê vir hom: “Skiet!” Hy het so gemaak. Toe kondig Elisa aan: “Die pyl van die Here se oorwinning, ‘n pyl van oorwinning oor Aram. Jy sal die Arameërs by Afek heeltemal verslaan.
Vat nou die ander pyle en slaan teen die grond.” Die koning het hulle opgetel, drie keer geslaan en toe opgehou. Maar die man van God het baie kwaad geword vir hom. “Jy moes vyf of ses keer geslaan het!” roep hy uit. “Dan sou jy Aram verslaan en heeltemal verwoes het. Nou sal jy net drie keer oor Aram seëvier.”‘(vv. 15-19).
Wat vra jy vir God om te doen? Iemand wat jy liefhet, te red? Geld te voorsien? Jou te help om ‘n gewoonte te breek? Sukses te behaal? Stel vas wat Hy in Sy Woord belowe het en gebruik hierdie beloftes soos pyle. Mik hulle na jou probleem en skiet. Hou aan om te skiet totdat God om jou onthalwe optree. Hierdie verhaal behoort jou te leer dat jou geloof en deursettingsvermoë soms nie alleen jou oorwinning bepaal nie, maar ook die omvang daarvan. Dus, korrel, skiet, en hou aan skiet!
Bron : Radiokansel
