RKLogo_Reg

RKLogo_RegDit is maklik om tevrede te wees wanneer die lewe volgens plan verloop. Maar hoe dikwels gebeur dit? Die Bybel sê ons moet oefen om “onder alle omstandighede tevrede te wees,” (Filip. 4:11, NLV), want as jy jou lewe uitstel en wag vir dit wat jy wil hê moet gebeur, mag jy dalk lank wag! Epikuris het gesê: “Moenie dit bederf wat jy het, deur te begeer wat jy nie het nie. Onthou dat dit wat jy nou het eens op ‘n tyd ook een van die goed was wat jy wou hê.”

Daar is drie goed wat voortdurend gevoed word deur ons ontevredenheid:

(1) Gierigheid. As jy heeltyd tob oor wat jy nie het nie, kan jy nie dit wat God alreeds aan jou gegee het, geniet nie. Wees tevrede. Dit is goed om doelwitte te hê, maar hou op om so hard te fokus op die eindresultate en wees eerder bly in die Here terwyl jy op die pad is.

(2) Vrees. Dit laat jou weghardloop vir goed wat jou nie jaag nie. Dit is die vyand se manier om jou (a) te beroof van vrede en stabiliteit, (b) te martel met “wat as?” vrae, (c) te weerhou daarvan om op God te vertrou. Die Psalmdigter het gesê: “In God stel ek my vertroue, ek is nie bang nie. Wat kan ‘n blote mens aan my doen?” (Ps. 56:5, NAV).

(3) ‘n Soeke na tevredenheid op die verkeerde plekke. God het gesê: “My volk het . die bron van lewende water verlaat, en hulle het . waterbakke uit klip gekap, waterbakke wat gebars is,” (Jer. 2:13, NAV). Daar word gesê dat die mens sy eerste 50 jaar opsoek is na sekuriteit, en die res van sy lewe soek hy na betekenis. Maar ons hoef nie. ‘n Liedskrywer het geskryf: “Slegs die naam van Christus gee tevredenheid aan my. In U, o Here Jesus, kan ek liefhê, leef en vir ewig bly!”

Is jy opsoek na tevredenheid? Probeer Jesus!

© Radio Kansel 2008 (www.radiokansel.co.za)

Scroll to Top