Hoe kan ’n liefdevolle God mense hel toe laat gaan? Sal mense die geleentheid hê om ná hulle dood in Jesus te glo en hemel toe te gaan? Met respek vir God se Woord kyk Francis Chan en Preston Sprinkle na die diepste vrae wat mense het oor die ewigheid. Hulle het ook al dieselfde vrae gevra. En net soos ander mense wil hulle ook soms nie in die hel glo nie. Maar hulle beklemtoon: “Ons kan nie bekostig om verkeerd te wees oor dié saak nie.”
Die ewigheid … hemel of hel? is nie ’n boek wat sê wat mense oor die saak dink nie. Dit gaan oor wat God sê. Dit gaan nie oor onpersoonlike teologiese kwessies en argumente om reg te wees nie, maar oor die karakter van God. Die boek word afgerond met ’n bespreking van sewe spesifieke vrae wat dikwels gevra word. In Die ewigheid … hemel of hel? sal lesers saam met die skrywers die waarheid ontdek, en ook die moed om dit uit te leef. 
Read More)
