Tony Campolo skryf die volgende oor sy tydperk as ‘n raadgewer by ‘n tiener Bybelkamp: “Tienerseuns het die manier om op een arme kind te pik. Daardie somer was dit die dertienjarige Billy, ‘n kind wat nie reg kon loop of praat nie. Toe dit die groep in sy hut se beurt was om die oggendgodsdiens te lei, het hulle Billy as die spreker aangewys. Dit het nie gelyk asof dit hom pla nie. Hy het homself by die podium opgesleep terwyl daar onderlangs gegiggel en gefluister is, en dit het ‘n hele ruk geduur om die volgende woorde uit te stotter:
‘Je-sus h . h . het . my l . lief en . ek is . l . lief . v . vir Je-sus.’
‘n Doodse stilte het neergedaal en toe ek rondom my kyk, het daar trane oor die wange van die seuns gestroom. Ons het soveel probeer doen om hierdie seuns te bereik, maar niks het gewerk nie. Ons het selfs beroemde krieketspelers ingebring, sterkolwers en -boulers wat ook getroue Christene was, maar dit het geen uitwerking gehad nie. Dit was eers toe hierdie spesiale kind sy liefde vir Christus verklaar het dat alles kon verander. Ek reis dikwels rond en ek is verbaas hoe dikwels ek mense ontmoet wat sê: ‘Jy onthou my seker nie. Ek het ‘n Christen geword op ‘n kamp waar jy ‘n raadgewer was en weet jy wat my keerpunt was?’ Ek hoef nooit te vra wat dit was nie. Ek weet altyd dat die antwoord gaan wees – Billy!”
Die Bybel sê: “Wat vir die wêreld onsin is, het God uitgekies om die geleerdes te beskaam, wat niks is nie, het God uitgekies om wat iets is, tot niet te maak,” (1 Kor. 12:9, NAV). Doen net dit wat jy
Radio Kansel
