Berou!

Simson het te ver gegaan. Hy het opgeëindig met sy oë uitgekrap – die bespotting van die Filistyne. En dit as gevolg van twee onbewaakte areas in sy lewe: seks en trots. Dawid het ook ‘n stryd gevoer teen onophoudelike verleiding. In ‘n oomblik van swakheid het hy homself daaraan oorgegee, maar moes ‘n duur prys betaal. Tog het hy nie soos Simson in ‘n tronk gesterf nie. Inteendeel! Hy was “‘n man na God se hart”. Die verskil? Berou! Dawid, gebroke en nederig, het tot God geroep en die vergifnis en genade ontvang om weer op te staan. Vra jouself af: “Leef ek ‘n geheime lewe waarvan net ek en God weet? Is ek reeds so verslaaf aan my sonde dat ek geen uitweg kan sien nie?”

Dit is nooit te laat om oor te begin nie. Jy kan nooit so laag daal dat God jou nie kan optel nie. Begin deur berou te hê. Draai jou rug op jou sonde, en belei jou eie onvermoë om te verander. Vra om God se krag. Dit help nie om jou gedrag te probeer rasionaliseer nie. Jou geheim sal nie altyd jou eie bly nie. Moenie deur nog ‘n dag gaan voordat jy op jou knieë neerval en tot God bid nie: “Wis tog my sonde uit… Skep vir my ‘n rein hart, o God.” (Ps 51:3 & 12 NLV) Moenie probeer om die stryd alleen te wen nie; jy sal nie suksesvol wees nie. En dan? Kom terug in die wedloop en hardloop vinniger as ooit!

Kopiereg 2009 Radiokansel