Konflik in ‘n huwelik is baie minder belangrik as hoe jy dit hanteer. Dr. Shae Graham Kosch is al vir 32 jaar getroud en beraad paartjies al vir net so lank. Hy sê: “Die meeste huwelikskonflikte word nooit opgelos nie. Daar is altyd ongelukkigheid oor skoonfamilie, kinders, geld . Dit is van kardinale belang om positief te bly. Aanvaar die ander persoon se sienings. Voer ‘n bespreking wat van toepassing is, sonder om krities te word of te blameer. Jou houding is die groot faktor. Paartjies wat wedersydse respek behou en mekaar verstaan, bly bymekaar.” Salomo het gesê: “Daar is een wat onverskillig woorde uitspreek soos swaardsteke, maar die tong van die wyse is genesing,” (Spr. 12:18, OAV).
Die huwelik is ‘n spesiale verhouding wat deur God geskep is. Julle is “nie meer twee nie, maar een,” (Matt. 19:6, NAV). Wanneer daar dus konflik is: (a) val die probleem aan, nie mekaar nie; (b) bly kalm en jou eggenoot sal minder geneig wees om goed persoonlik op te neem; (c) kies die beste tyd om die saak aan te spreek, nie wanneer julle albei moeg en die kinders honger is nie; (d) oorweeg jou eggenoot se siening; mans en vroue sien goed op verskillende wyses; (e) onthou: daar sal tye wees wanneer jy ‘n kompromie moet aangaan en tye wanneer jou eggenoot moet; (f) kies jou woorde versigtig. “Vuil taal moet daar nooit uit julle mond kom nie; praat net wat goed en opbouend is.” “Bemoedig mekaar,” (1 Tess. 5:11, OAV); “vergeef mekaar,” (Ef. 4:32, OAV); “Bid vir mekaar,” (Jak. 5:16, OAV); “(Spoor) mekaar aan . tot liefde en goeie dade,” (Heb. 10:24, NAV); “Dra mekaar se laste,” (Gal. 6:2, NAV); “Bewys eerbied teenoor mekaar,” (Rom. 12:10, NAV).
Dit som dit goed op!
© 2007 Radiokansel. | www.radiokansel.co.za
