Laat jou vlees weet wie in beheer is. Soek elke dag vir geleenthede om vir jouself “nee” te sê. As jy dit doen, sal jy in staat wees om nee te sê wanneer dit werklik saak maak. Dit geld vir alles nie net dinge wat in ons oë groot sondes is nie. Paulus het geskryf: “‘Alles is my geoorloof.’ Ja, maar nie alles is heilsaam nie. ‘Alles is my geoorloof,’ … Ja, maar ek gaan my nie deur enigiets laat verslaaf nie,” (1 Kor. 6:12, NAV). Paulus meet sy aksies met die maatband van “Is dit heilsaam? Is dit potensieel verslawend?”
Hoe lank gaan jy nog aanhou om vir jouself te sê: “Ek weet ek moet verander, en ek sal – môre”? Jy het die reg om elke aand net voor bedtyd sjokoladekoek en roomys te eet. Dit is “toelaatbaar” maar nie “opbouend” nie, veral nie as jy vetvrye are, suikervrye bloed, ‘n dun middeltjie, die vermoë om ‘n maraton te hardloop, of miskien net genoeg krag om saam met jou kleinkinders te speel, wil hê nie. Jy het die reg om jou tyd en geld te spandeer soos jy wil, maar jy het nie die reg om dit roekeloos te doen en te kla oor die uiteinde daarvan nie. Met elke reg kom ‘n verantwoordelikheid.
As jy slegte gewoontes moet vervang met goeies, is daar net een persoon wat dit
www.radiokansel.co.za
