Dis moontlik om deur jou worsteling te kom met aanbidding! Die onrein man het voor Jesus neergeval in aanbidding. Let op dat die man nie éérs genees is, en toe begin aanbid het nie. Nee, nadat hy Jesus aanbid het, is hy bevry. Dis ‘n belangrike beginsel. Paulus sê: “So sal by die noem van Jesus se Heerlike Naam elke knie in die hemel en op die aarde buig… en erken: ‘Jesus Christus is Here.'” (Fil 2:10-11 NLV) Jakobus sê: “Wel, die demone glo dit ook – en hulle sidder, so bang is hulle!” (Jak 2:19 NLV)
Die Bybel sê: “Maar geen wapen wat teen jou gemik word, sal iets teen jou kan uitrig nie…” (Jes 54:17 NLV) Dit sluit enigiets in wat jou en jou gesin probeer vernietig; ou wonde, pynlike herinneringe, verslawings en ou sondes – alles moet buig voor die naam van Jesus wanneer Hy geprys word.
Toe die man wat tussen die grafte gewoon het, Jesus begin aanbid het, het die bose magte geskreeu: “Los my uit, Jesus, Seun van God die Allerhoogste!” (Mark 5:7 NLV) Satan se bose geeste wil niks in gemeen hê met Jesus nie – en al wat Hy met hulle te doen het, is om hulle uit te dryf!
Dawid het gesê: “Dan sal ek my kop hoog oplig bokant my vyande wat my omring …terwyl ek sing en met musiek die Here loof.” (Ps 27:6 NLV) So hardloop vandag na Jesus toe, val by sy voete neer en kom daardeur met aanbidding.
Kopiereg 2009 Radiokansel
