Hoe om te bid as jy bekommerd is

Voel jy vandag bekommerd? Het jy jou gemoedsrus verloor? Begin die gebed bid totdat dit in jou hart wortel geskiet het en dit deel van jou houding geword het:

“Vader, U het gesê dat ek nie bang moet wees nie, omdat U by my is, dat U my sal dra en dat dié wat my teëstaan nie suksesvol sal wees nie (sien Jes. 41:10-11).

U het gesê dat daar geen kwaad oor my sou kom nie, dat geen plaag my huis sal aanraak nie, omdat U die engele opdrag gegee het om my te beskerm (sien Ps. 91:10-11).

U het gesê dat as ek deur waters van swaarkry moet gaan (wanneer ek tot oor my ore toe daarin is) sal U my nie laat verdrink nie en wanneer ek deur die vuur van teëspoed gaan (as dinge begin warm raak), dat U nie sal toelaat dat ek brand nie, omdat U oor my die wag hou (sien Jes. 43:2-3).

U het gesê dat geen wapen wat teen my gesmee word iets sal kan uitrig nie (sien Jes. 54:17). Ek kan die vyand nie daarvan weerhou om sy wapens op te neem nie, maar ek weet dat U sal keer dat hulle voorspoedig is.

U het gesê dat as ek enigiets volgens u wil vra, U gehoor daaraan sal gee (sien 1 Joh. 5:14-15).

U het gesê as ek in gehoorsaamheid voor U lewe, sal ek geseën wees as ek ingaan en as ek uitgaan, as ek gaan lê en as ek gaan opstaan (sien Deut. 28:6).

U het gesê dat ek al my kommer aan U moet gee, dan sal U dit hanteer (sien 1 Pet. 5:7). Hier is hulle! Vandag staan ek vas in U Woord.

U het dit gesê! Ek glo dit! Dis dit! Amen.”