Gevaarpunte!

Daar is drie gevaarpunte waar die vyand jou sal aanval:

(1) Moegheid. In die Ou Testamentiese tye het “geboortereg” beteken dat jy twee maal soveel by jou pa geërf het as die res van jou broers en susters. Esau sou waarskynlik nooit sy eersgeboorte reg verkoop het nie, maar hy was moet en honger. Uitputting kan veroorsaak dat jy jou perspektief op die werklikheid verloor en besluite neem wat gegrond is op gemak, eerder as dit wat die beste vir jou is op die lang duur.

(2) Opgewondenheid. Koning Herodus is verlei deur ‘n dansende meisie. Hy het alle versigtigheid verloor en belowe: “Net wat jy my vra, sal ek vir jou gee,” (Mark. 6:23, NAV). Sy het vir Johannes die Doper se kop gevra. Aangesien hy die koning was, kon Herodus nie sy belofte verbreek nie. Een oomblik se oorgawe, het Herodus se koninkryk en sy lewe gekos. Pas op waar jy genot gaan soek, en hoe jy daarop reageer. Dit kan meer kos as wat jy dink!

(3) Mismoedigheid. Tydens ‘n oomblik van mismoedigheid, het Petrus juis dit gedoen wat hy gesweer het hy nooit sal doen nie – hy het sy Here verloën. Mismoedigheid kan jou goed laat sê wat nie in jou aard is nie.

Judas het geskryf: “(Julle) moet egter voortgaan om julle lewe te bou op julle allerheiligste geloof. Bid altyd deur die krag van die Heilige Gees,” (Jud. 1:20, NAV). Esau se moegheid, Herodus se opgewondenheid en Petrus se mismoedigheid is presies wat Jesus in gedagte gehad het, toe Hy gesê het: “As die huiseienaar geweet het watter tyd van die nag die dief kom, sou hy wag gehou het,” (Matt. 24:43, NAV).

Related Posts