Een aand het die beroemde violis and komponis, Paganini voor ‘n groot gehoor opgetree, toe een van sy vioolsnare breek. Die sweet het om afgetap, maar hy het aanhou speel, en geïmproviseer soos hy aangegaan het. Toe breek ‘n tweede snaar . en ‘n derde. Met net een snaar oor, het die meester die komposisie voltooi. Nog voor hy klaar was, was die gehoor op hulle voete met ‘n dawerende applous. Toe dit ophou, het hy sy viool in die lug gehou, vir die dirigent geknik en met die encore begin, toe het hy vir die gehoor geglimlag en geskree: “Paganini . en een snaar!” Met sy Stradivarius onder sy ken, het hy gespeel terwyl die gehoor en dirigent hom met ongeloof aangekyk het.
Paganini, en een snaar – en ‘n gees wat geweier het om op te hou! Dit is nodig! Hoe langer jy lewe, hoe meer sal jy ontdek dat die lewe net 10 persent is van wat met jou gebeur – en 90 persent hoe jy daarop reageer!
Dis nie die snare wat jy verloor wat tel nie, dis dié wat jy nog het – en wat jy daarmee doen! Die belangrikste besluit wat jy vandag gaan neem is die keuse van jou houding; dis die enkele snaar wat jou of vorentoe laat gaan of in sirkels laat beweeg.
Paulus skryf: “Daarom sal ek baie liewer oor my swakhede roem, sodat die krag van Christus my beskutting kan wees. Daarom is ek bly oor swakhede, beledigings, ontberings, vervolging en moeilikhede ter wille van Christus, want as ek swak is, is ek sterk,” (2 Kor. 12:9-10, NAV). Wat ‘n manier om te lewe!
© www.radiokansel.co.za
