Die Rebekka-beginsel (1)

Op ‘n dag was Rebekka by die waterput, toe ‘n ou man haar nader en vra vir ‘n slukkie water. Sonder aarseling het sy ja gesê. Toe het sy ook aangebied om vir sy kamele water te gee. Dit was nie ‘n klein gebaar nie. Een kameel kan tot 20 liter water drink. Doen die som: 10 kamele teen 20 liter elk, is gelyk aan 200 liter water. 200 liter water uit ‘n 5 liter kruik, is gelyk aan 40 keer se water haal. 40 keer se water haal teen 3 minute per keer, is ongeveer 2 ure se werk. Wat Rebekka nie besef het nie, was dat haar vrygewige daad haar lewe vir altyd sou verander. Min het sy geweet dat haar optrede die antwoord op ‘n slaaf se gebed was, en deel van die almagtige God se plan. Sy het slegs gedoen wat sy gedink het reg was, maar daardeur het sy Isak se vrou geword, die erfgenaam van Abraham se fortuin, en voorgeslag van ons Here Jesus.

Rebekka se vrygewigheid staan in sterk kontras met die gesindheid van ons dag. Sy het gesê: “Ek sal nie net doen wat jy van my vra nie; ek sal meer as dit doen.” Daarteenoor sê baie mense vandag: “Ek gaan die minste moontlik doen en probeer om soveel as moontlik daaruit te kry.” Ongelukkig het hierdie gesindheid ook in God se kinders posgevat. Die Rebekka-beginsel leer ons dat wanneer jy na klein geleenthede soek om te gee, dit groot beloning tot gevolg het.

Kopiereg 2009 Radiokansel