Wat het gemaak dat groot intelletuele soos C. S. Lewis hul lewens aan Christus gewy het? Sy geloofwaardigheid! Kyk na sommige van die Ou Testamentiese profesieë wat Jesus tydens Sy leeftyd volbring het:
1) Hy sou Jerusalem op ‘n esel binne ry: ‘…Jou koning sal na jou toe kom… Hy is regverdig en hy is ‘n oorwinnaar, hy is nederig en hy ry op ‘n donkie…’ (Sagaria 9:9 NV).
2) Hy sou deur ‘n vriend verraai word: ‘…Selfs my boesemvriend op wie ek vertrou het…, het my in die rug gesteek’ (Psalm 41:9 NV).
3) Hy sou vir dertig silwerstukke verraai word: ‘…Hulle het toe my loon afgeweeg, dertig stukke silwer’ (Sagaria 11:12). 4) Hulle sou wed om Sy klere: ‘Hulle verdeel my klere onder mekaar en trek lootjies oor my mantel’ (Psalm 22:18 NV). 5) Nie een van Sy bene sou gebreek word nie: ‘Die Here sorg vir die hele liggaam van die regverdige: geen been word gebreek nie’ (Psalm 34:20 NV). 6) Hy sou in ‘n rykman se graf begrawe word: ‘Hulle het vir Hom ‘n graf gereedgemaak by mense…wat ryk geword het…’ (Jesaja 53:9 BVA). 7) Dat Hy uit die dode opgewek sou word: ‘want U sal my siel aan die doderyk nie oorgee nie; U sal nie toelaat dat u gunsgenoot verderwing sien nie’ (Psalm 16:10 OV-1953).
Johannes skryf: ‘Hierna het Jesus, met die wete dat alles klaar volbring is en sodat die Skrif vervul kan word, gesê: “Ek is dors.” By Sy volle positiewe en helder van denke, het Hy die profesieë in herinnering geroep wat hy sou moes vervul het tot by die heel laaste een, en gesê: ‘Dit is volbring’ (v. 30 NV). Christus – Hy is totaal geloofwaardig en jy kan Hom vertrou!
Bron : Radiokansel
