Die Rebekka-beginsel (2)

Kom ons leer nog 3 belangrike lesse by Rebekka:

(1) Wanneer jy vryelik gee, ontvang jy meer as wat jy ooit kon dink is moontlik. Jesus het gesê: “Die kriterium waarmee julle oordeel, sal ook vir julle self gebruik word.” (Matt 7:2 NLV) Rebekka het meer gegee as waarvoor gevra is, en het meer terugontvang as wat sy ooit kon verwag. Sy het die groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot- groot-ouma van die Messias geword! Gee wat jy kan; jy sal verstom wees oor wat God vir jou teruggee.

(2) Wanneer jy vryelik gee, sal jou geliefdes ook geseën word. Toe Abraham se slaaf onthul het wie hy was, het hy goue juwele en prag kledingstukke uitgehaal en vir Rebekka gegee. Maar hy het ook kosbaarhede vir haar ma en broer gegee.

(3) In die oomblik van gee, kan jy nie altyd weet hoe jou daad mense in die toekoms sal raak nie. Verbeel jou hoe die wêreld sou gelyk het as Michelangelo gesê het: “Ek werk nie op plafonne nie”; as Noag gesê het: “Ek bou nie bote nie”; as Dawid gesê het: “Ek verslaan nie Goliats nie”; as Maria gesê het: “Ek doen nie maagdelike geboortes nie”; as Paulus gesê het: “Ek skryf nie briewe nie”; en as Jesus gesê het: “Ek hang nie aan kruise nie”. ‘n Lewenstyl van vryelik gee, sal jou oorleef en ‘n seën wees vir dié wat na jou kom.

Kopiereg 2009 Radiokansel