Om van ander te ontvang

Te gereeld reik ons nie na hulp nie omdat ons ‘n sekere beeld wil voorhou. Dis gevaarlik! Soos wat ons ontvanklik moet wees vir die Here, moet ons ook wees vir diegene wat Hy na ons toe stuur. “Hy was daar vir 40 dae terwyl Hy deur die Satan versoek is. Hy was daar saam met die wilde diere, en engele het Hom versorg.” (Mark 1:13 NLV) Selfs Jesus was afhanklik van die hulp van ander. Satan het Hom getreiter: “As jy dan die Seun van God is, beveel hierdie klippe om brode te word.” (Matt 4:3) Een van die moeilikste dinge om te doen, is om nee te sê wanneer jy ‘n geldige behoefte kan verlig op ‘n ongeldige manier. Al het Jesus self die engele geskape, het Hy toegelaat dat hulle vir Hom sorg. Die Meerdere was bereid om gehelp te word deur die mindere. Dit is ‘n waardevolle les vir ons. As jou pyn ondraaglik is, sal jy nie omgee wié God na jou toe stuur om te help nie! As jy terminaal siek was, sou jy mos nie omgegee het wie die dokter is nie!

Miskien het jy iemand nodig, maar jy vertrou niemand nie. Vertrou God! “Want die berge kan padgee en die heuwels verdwyn. Maar my liefde vir jou sal nooit verander nie, …sê die Here wat jou liefhet.” (Jes 54:10 NLV) Wanneer God in Sy liefde na jou uitreik, moenie te trots wees om dit te ontvang uit die oord waaruit Hy dit stuur nie. Wanneer jy dit so ontvang, ontvang jy Hom ook!

Kopiereg 2009 Radiokansel