God het jou lief nes jy is, maar Hy het jou te lief om jou net so te laat bly! Sy doel is dat jy groei, verander en meer soos Jesus word. Jy is nie met jou persoonlikheid opgeskeep nie. Jy hoef nie vir die res van jou lewe met jou fobies en bagasie saam te leef nie. Jy kan verander! Jy het opsies! Selfs al was elke dag van jou lewe tot dusver gevul met kommer, hoef die res van jou lewe nie so te wees nie. Dit maak nie saak hoe jy gebore is nie – jy hoef nie so te sterf nie!
Waar kom ons in die eerste plek aan die idee dat ons nie kan verander nie? Waar kom stellings soos “Dit is my geaardheid om bekommerd te wees,” of “Ek is pessimisties gebore”, vandaan? Wie sê so? Sou ons so redeneer oor ons liggame? “Dit is in my natuur om ‘n gebreekte been te hê. Ek kan niks daaromtrent doen nie.” Natuurlik nie! As ons liggaam wanfunksioneer, soek ons hulp. Behoort ons nie dieselfde te doen met ons geestelike en emosionele gesondheid nie? Jesaja skryf: “Ons is soos klei en U is die Pottebakker”. God raadpleeg nie jou verlede om jou toekoms te bepaal nie. Soos die pottebakker, kan Hy jou vorm, tot Sy eer.
In sy boek, Just Like Jesus, skryf Max Lucado: “Net so min as wat ‘n ma haar huilende kind onaangeraak kan laat, kan God jou lewe onveranderd laat.” Miskien verduidelik dit die ongemak waardeur jy op die oomblik worstel!
Bron: Radiokansel
