Onderskei God se stem (2)

Knap pottebakkers weet hoe om hul klei te hanteer – dit is asof die klei hulle lei om gevorm te word. Onervare pottebakkers beskik nie oor hierdie oordeel nie en dit is duidelik in die eindproduk. As jy nie jou roumateriaal respekteer nie, sal realiteit jou vyand word. Die Engelse woord ‘vocation’, oftewel roeping, het sy oorspong in die Latynse woord vir ‘voice’. Jy sal jou roeping ontdek wanneer jy noukeurig luister. As jy nie luister nie en iets doen waarvoor jy nie geroep of toegerus is nie, sal jy altyd angstig wonder: “Is ek nie dalk besig met dinge waarvoor God my nie geroep het nie?” Dit verg moed om te erken wat jy nié is nie, maar juis hierin is bevryding opgesluit.

Parker Palmer skryf: “Jy kan nie jou roeping kies nie; jou lewe moet daarvan spreek.” Dalk is jy bestem om te studeer. As dit die geval is, sal jy graag lees, nadink, skryf en onderrig. Maar as jy glo (of deur ander oortuig word) dat jy sukses moet behaal in ‘n korporatiewe omgewing om betekenis aan jou lewe te gee, sal jy jou lewensroeping teëwerk.

Die filosoof, Mortimor Adler, verwys na die briljante denkers wat almal geroep is om deel te neem aan wat hy noem “the great conversation of the human race”. Raai wat? Nege-en-negentig persent van ons sal nooit om daardie tafel sit nie! Maar ons kan wel hoor “Uitstekend, jy is ‘n voortreflike slaaf” (Matt 25:21) – God se belofte aan almal wat Sy stem onderskei, dit aanvaar en hul lewens daaraan toewy.

Kopiereg 2009 Radiokansel