Keuse is die grootste krag wat God vir jou gegee het. Te veel mense aanvaar net hulle lewens – hulle neem nie beheer daarvan nie. Gevolglik hou ons aan om onsself te saboteer. Elie Wiesel, wat die Nazi-konsentrasiekampe oorleef het, het in ‘Souls on fire’ geskryf dat jou Maker nie eendag vir jou gaan vra hoekom jy nie ‘n Messias geword het nie. Die enigste vraag gaan wees: “Hoekom het jy nie jy geword nie? Hoekom het jy nie alles geword wat jy is nie?”
Om God se wil vir jou lewe te laat realiseer, moet jy verantwoordelikheid vir jou lewe neem. Hoe doen mens dit? Deur eers vir God en dan vir jouself “ja” te sê. Elke keer as jy vir God “ja” sê, maak jy jouself gereed om Godgegewe geleenthede te ontvang. As jy daaraan gewoond is om “nee” te sê, gaan dit dalk moeilik wees, en moet jy ten minste bereid wees om “dalk” te sê.
Daar was eendag ‘n pa wie se seun chronies siek was en hy het vir Jesus gevra om sy seun gesond te maak. Jesus het gesê: “‘As ‘n mens glo, is álles moontlik!’ ‘Ek glo!’ roep die kind se pa dadelik uit. ‘Help my tog om nie meer te twyfel nie!'” (Mark. 9:23 NLV). As jy in jouself twyfel, moet jy dieselfde gebed bid. God sal jou antwoord. Moenie vergeet dat jy uniek is nie. Niemand anders het al, of sal ooit jou talente, ondervinding en geleenthede hê nie.
Jy het ‘n verantwoordelikheid om alles te word wat God jou gemaak het; nie net vir jouself nie, maar vir almal om jou.
Bron : Radiokansel
