Stel jou Moses se verbasing voor toe God uit die brandende bos met hom praat. Stel jou Paulus se verbasing voor toe ‘n man van Masedonië hom in ‘n visioen vra, ‘…Kom oor na Masedonië toe en help ons.’ (Handelinge 16:9). Hy is steeds die God wat verras. Hy sê, ‘Ek gaan iets nuuts doen. Dit het alreeds begin gebeur! Sien julle dit nie?’ Daar lê die probleem. Ons sien nie raak dat God aan die werk is nie! Jy voel dalk mismoedig, want jy bid en glo, maar dit baat jou niks nie. Luister na hierdie belofte: ‘Tog wag die Here gretig dat julle terugkom na Hom toe. Hy wil genade aan julle bewys…’ (Jesaja 30:18). Let op die woord ‘wag’. God het ‘n plan en ‘n tydrooster.
”n Mens kan hoeveel planne maak, maar op die ou einde gebeur wat die Here besluit het’ (Spreuke 19:21). Selfs al misluk jou planne kan God steeds alles ten beste vir jou en tot Sy eer laat gebeur. Daar is enkele dinge wat jy van God se leiding moet verstaan.
Eerstens, idees vergaan, maar Sy leiding bly staan – daarom het jy tyd aan jou kant.
Tweedens, jy kan Sy leiding nie sonder Sy hulp volg nie. Dis hoe Hy dit beskik. ‘…sonder My kan julle niks doen nie’ (Johannes 15:5).
Derdens, Sy leiding begin dikwels met ongemaklikheid. ‘Soos ‘n arend wat sy kleintjies uit die nes uitskop. So het die Here… gelei…’ (Deuteronomium 32:11-12).
‘n Kleintjie is geskok wanneer sy ma hom uit die nes skop. Maar hy vind sy ‘vlerke’ op die manier. Dink daaroor!
Bron : Radiokansel
