• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

steppingstones1010
Ek wonder of jy al die volgende grappie gehoor het;

'n Pastoor, Predikant en 'n Reverend besluit om saam te gaan visvang. Hulle roei die bootjie so 'n entjie van die kant af en begin alte lekker visvang. Sowat 'n uur en 'n half later is die Reverend se aas op. Hy klim egter uit die boot en loop so sloes-sloes bo-op die water tot by die kant, kry nog aas en loop sloes-sloes terug, klim in die boot, sit nuwe aas aan en gaan voort met sy visvang.

'n Verdere uur later staan die Predikant op, klim uit die boot en loop sloes-sloes op die water, kry nuwe aas op die kant en loop terug op die water, klim in die boot en gaan voort met sy visvang.

Die Pastoor op hierdie stadium van hierdie geveg is bleek om die kiewe, want sy aas is besig om op te raak! Die Reverend sien toe op 'n stadium hierdie man is besig om bloed te sweet. Hy leun toe oor na die Predikant en fluister :"Sal ons hom vertel van die 'stepping stones' in die water?", waarop die predikant vir hom terugantwoord; "Watter 'stepping stones'?"

Drie verskillende mense, drie verskillende reaksies. Maar hulle aanbid een God.

Die Here sê vir ons in Sy Woord. "Beywer julle allereers vir die Koningkryk van God en vir die wil van God, dan sal Hy ook aan julle al hierdie dinge gee." As jy die gedeelte vooraan lees sal jy sien dit gaan oor die sorge van die lewe. Wat beteken dit om God se Koningkryk en Sy wil te soek?

  • Hoekom kan ek nie vandag regtig oortuigend sê dat alles wat die mens vir God vra hy ontvang nie?
  • Hoekom word nie alle mense gesond as die Bybel sê dat as iemand siek is sal die Here hom genees as daar vir hom gebid word nie?

Hoekom is daar swaarmoedigheid by mense en swoeg dag tot dag as die Here sê Hy gee voorspoed as Hy dan vir die mossies sorg hoeveel te meer sal Hy vir ons sorg nie?

Die Here sê ons moenie worrie oor wat ons vandag gaan aantrek of wat ons gaan eet nie, Hy sal sorg? Kort ons geloof, kort ons meer kerk toe gaan, meer bid, meer van 'die' en van 'dat'? Of moet ons nie miskien teruggaan na die 'basics' toe nie. Het ons nie dalk te lank die Here gedien op ons turf nie, op ons voorwaardes en terme nie?

Of het die Woord van die Here sy krag verloor en is die Christelike geloof net een van die opsies wat ons het in die spirituele realm waarin ons deesdae beweeg. (Die moderne neiging?)

‘n Tyd terug was daar groot beswaar aangeteken toe die moontlikheid oorweeg was dat Pukke Christelike Hoër Onderwys uit hulle naam wou laat. Die hel het behoorlik in die media losgebars en beswaardes was volop. Dit het my laat dink watter impak die naam nou juis het behalwe tradisie. Is al die studente geesvervuld, hou nie partytjies, raak nie dronk nie, leef kuis, vloek nie en wy hulle lewe voltyds aan die Here?

Maak die naam "Christelike Hoër Onderwys" van my 'n knap Christen?

Die geestelike realm word deesdae soos kies tussen produkte. “Ek hou van 'n BMW oor hierdie eienskap”, “Man ek ry 'n Volla, “As jy nie Japanees ry nie, jy weet dan het jy nie regtig die beste nie”

Traai hierdie en bring terug as dit nie regtig vir jou werk nie, ruil dit om met daai een, jong is dit nou 'n fantastiese produk! Dit haal al die plooie uit!”

“Probeer Joga, dit bring soveel rustigheid.” “Nee man Hirrie Krisna (of wat ook al) bring nou vir jou voorspoed.”

Moet ons nie miskien teruggaan na die basics toe sodat die Here weer die Nommer 1 kan word in ons lewens nie?

Ek dink so vinnig aan die volgende;

  • "My volk gaan ten gronde weens 'n gebrek aan kennis"

(Ons stel ons kinders bloot (en ons was as kinders self daaraan blootgestel) aan goed soos bv. Liewe Heksie (wat is 'n heksie nou anders as 'n gewone heks. Wat is 'n heks se konnektasie nou anders as demonies? En jammerlik Harry Potter. Van die kindertjies word selfs aangetrek soos towenaars (die manlike vorm van 'n heks). Die skrywer van Harry Potter sê juis dat Jesus 'n "loser" is. Maar gou word ons vertel van 'n fantasiewêreld. 'n Sprokieswêreld waarin die kindertjies hulle kan uitleef. Allerhande werkwoorde word gebruik om die impak te versag van hierdie "bonatuurlike" aktiwiteite, en dit word afgemaak as "onskuldige" vermaak.

"Gaan sien 'n spirituele medium, of nee man check net jou TV, hulle verskyn sommer deesdae daarop.” Of lees sommer 'n bekende Afrikaanse tydskrif wat in die een asem 'n artikel oor godsdiens in skole het en op die volgende bladsy jou sterrevoorspel verskaf. En hierdie is 'n klein voorbeeld van wat aangaan. Gaan iets verkeerd in ons lewe dan is ons geneig om vinnig te sê: "Hoekom straf God my?", “Hoekom moet ek so ly?” “Waar is hierdie God van liefde?”

Ek wil amper vra, maar watter god word dan nou gedien?

  • "As My volk oor wie My Naam uitgeroep is, hulle verootmoedig en My aangesig kom soek, en wegdraai van hulle sonde, sal Ek genadig wees, Ek sal vergewe en die hele land genees"
  • en dan "Beywer julle allereers vir die Koningkryk van God en vir die wil van God, dan sal Hy ook aan julle al hierdie dinge gee."

Ek is van mening dat ons vandag krippel Christene is, maar ons dink ons is eintlik smart, dan doen ons 'n paar fancy goedjies in die kerk en ons sê "WOW" maar die Gees werk? Volgende week haal ons nuwe truuks uit en “WOW” hier gaan ons weer. Ons het die Here geblik en geseël.

Wil jy die Here in aksie sien? Kom dan op die plek waar die Here werk (en seën), kom in lyn met Sy wil en soek Sy Koningkryk en ek waarborg jou, die Here se guns en almag sal oor jou uitgestort word, jy sal  wonderwerke aanskou en ervaar.

Johann de Jager

Artikels deur Johann de Jager

Lootsvisse (Pilot Fish)

pilot3107
Een aand is ek vasgevang deur ‘n klomp jong manne op TV wat passievol is oor visvang. Ek was nogal verbaas dat een van die manne, ek skat hom so 25 jaar oud, reeds ‘n professionele hengelaar is. Hoe hulle die verskillende visse en die verskillende…

Sweef soos ‘n arend

soaring_eagle
“Sweef soos ‘n arend, want Sy liefde dra jou. so hoog, hoog bo die son.” lui die woorde van ‘n liedjie. Inderdaad kan ons so baie leer by die arend. ‘n Arend wag op die regte windstrome voordat hy sy nes sal verlaat. Wanneer hy wel vlieg maak hy…

Verlore vakansiedag

vacation
Daar is twee dinge wat my spoed en gemoed ‘n ernstige knou kan gee. Wat my spoed gee is wanneer ek ‘n dag voor die tyd uitvind die volgende dag is ‘n vakansie dag. Wat my spoed breek is wanneer ek spoed gevang het oor ‘n komende vakansie dag om net…

Baklei teen jouself

baklei2907
Een van my geveerde vriende het na ’n lang afwesigheid weer sy opwagting gemaak. Vir redes wat jy nou-nou sal verstaan, weet ek nie te veel van hom af nie. Ek sien hom net so in die verbygaan. Hy’s nogal vinnig. Ek weet wel dat hy aan die kleinerige…

Hy verstaan

walking2207
Ten spyte van die wonderlike voorreg om dag vir dag in die teenwoordigheid van Jesus te kon wees, vou die dissipels se geloof toe Jesus aangestap kom na die bootjie te midde van ‘n storm. Is hulle swakkelinge, het hulle nie ruggraat gehad nie? Daar…

Die eer van God is weggevat

ark1707
Die ark van God is deur die Filistyne afgevat. Paniek breek uit in Israel se geledere. Dertig duisend voetsoldate is gedood en verdryf. Eli kry hierdie tyding en van skok val hy agteroor en sterf. Sy seun Pinihas sterf in dieselfde tyd en sy swanger…

Jou oes is gewaarborg

cormfield01
Twee dae van een week was ek in Bothaville. Dit was nogal baie uitputtend omrede ek binne hierdie bestek al my werk moes voltooi. Vroegoggend was ek al oppad om eers sowat 6 nm weer terug te wees in Bloemfontein. Waarvoor ek genoeg tyd gehad het was…

Haal meer uit die lewe op aarde

brief0309
Gedurende ‘n grenskamp in 1989 word almal deur die dominee aangemoedig om huis toe te skryf want die mense by die huis kla hulle nie weet wat aangaan en of hulle mense darem nog “oraait” is nie. Huistoe skryf was vir my altyd lekker en ek het altyd…

Lewendige interaksie

flattyre
Hier oor die paasnaweek van 2006 het ons so ‘n bietjie gaan uitspan by die see. Dit was agterna so lekker om terug te wees hier in die subtropiese streek wat ons die Vrystaat noem. Jy mag dalk wonder oor die subtropiese verwysing, maar dit is hoe…

Sonsondergang in die Vrystaat

freestatesunset2707
Noem dit wat jy wil, maar ’n sonsondergang in die Vrystaat is soms baie spesiaal. Spesiaal genoeg dat ek dit wou waag om in die bitterkoue en in ‘n motreëntjie stilhou te hou op die N1 duskant Winburg om ‘n foto te neem. Hierdie helder rooi-pienk…

My Hart

heart2007
Getrou verskyn my Outlook "reminder" presies om 8H00 elke oggend op my rekenaarskerm. My gebedslys verskyn en name daarin is netjies gerangskik ondermekaar. My oê hardloop daaroor en elke oggend is daar ander name wat op my hart gelê word om voor in…

Laat los en laat God

letgo3007
Die "intro quote" in een oggend se dagstukkie publikasie lees dat as ons nie op God se krag binne ons staatmaak nie, sal ons nie kan staande bly teen die druk rondom ons nie. Die oggend tevore, so in my enigheid, het ek gedink aan die stryd wat ons…

In my wildste drome

curtain1709
Sy het so 3 huise van ons af gewoon en ek was in Std 3 (Jip dit was nog in daardie era...) en ek was tog so soooo verlief op die meisietjie. My oë het gedurig die horison bespied, op soek na die geringste tekentjie dat sy iewers tog net te voorskyn…

Weg van minste weerstand

notmyjob
Soms kies ons die weg van minste weerstand vir probleme op ons lewenspad. Dit lyk of dit te moeilik is probleme om uit die weg te ruim en dan, wanneer ons terugkyk na die resultate van ons besluite is dit soms skrikwekkend om te sien watter besluite…

Realiteit

driving0505
Die musiek in my oorfone is lankal reeds stil, al wat oorbly is my ore wat lekker warm gehou word deur hulle. Alles rondom my is stil, die nag trap reeds diep spore en ek sit ingedagte voor die rekenaarskerm toe Conrad besluit om uit te vind hoekom…

Hoe reageer jy?

clay2906
‘n Paar jaar gelede kry ek vroegoggend, nog voor werk, ‘n oproep van iemand wat seker 10 jaar tevore vir my en Zelda sleg tenagekom het. Wat hy destyds gedoen het, is nie regtig belangrik nie. Hierdie persoon, het ons reeds lankal daarvoor vergewe,…

Afleibaarheids sindroom

power_of_god
Het jy al ooit iets in ‘n geselskap kwyt geraak, dalk heel spottenderwys waar die een party dan sal reageer deur te sê; "Yeah right, sit dit op skrif.."? So ‘n oomblik het nou sopas vir my aangebreek. Niemand het dit vir my gevra nie, maar wat ek…

Die nuwe kerk

building01
Op ‘n pad wat ons gereeld ry is daar ‘n kerk wat tans besig is om vir hulle gebou op te rig. By tye lyk dit of die bouwerk lank stilstaan, ander kere sien mens sommer in ‘n week hoe hulle gevorder het. Ek vermoed die gemeente is dalk besig om dit…

“That’s it" nou gaan jy dokter toe

Doktor
Met elke hoesie word ek deur Zelda vermaan. Dis al reeds drie weke gelede dat ek by die dokter was. My antobiotika en 'stropies is lankal op. Ek het al selfs al die half leë hoesstroop botteltjies in al die badkamerkaste deurgewerk. Zelda sê sy…

Die fluitende voëltjie

singing051109
My eerste kennismaking met my nuwe maatjie los my met 'n benoudheid. As die voëltjies begin sing en jy sit nog agter die rekenaar beteken dit die nag is verby en die sonsopkoms is nie vêr nie. Wat jou slaap betref, kan jy maak wat jy wil, jy is in…