• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

power_of_godHet jy al ooit iets in ‘n geselskap kwyt geraak, dalk heel spottenderwys waar die een party dan sal reageer deur te sê; "Yeah right, sit dit op skrif.."?

So ‘n oomblik het nou sopas vir my aangebreek. Niemand het dit vir my gevra nie, maar wat ek met jou wil deel, is, wel, seker een van my "maniertjies" wat ek "bevestig" (erken klink te pynlik) ek mee sukkel. Sodra Zelda hierdie lees sal dit waarskynlik haar toontjie laat krul van plesier, derhalwe stuur ek sommer ook vir haar ‘n boodskap langs hierdie weg; "Môre is dit dalk jou beurt...."

Die saak staan so en ek wil dit nie eintlik erken nie, maar ek lei waarskynlik aan ‘n tipe van ‘n afleibaarheid sindroom. Nie so erg dat ek medisyne te hoef neem nie. (Jy kom seker agter ek back paddle effens om die werklikheid ‘n bietjie sagter te maak?), maar dalk genoeg om die diegene rondom my soms in my werksopset erg te kan frusteer.

Ai tog, ek sal bv ‘n oproep moet maak, of iets voorberei, of soek, of gou skep, net om ‘n uur later agter te kom, dat ek so vêr afgedwaal het dat ek reeds 14 ander goed gedoen het. Ons oudste, Zelka, sien ek hanteer hierdie eintlik al baie goed. Sy sal langs my sit terwyl ons iets sou bespreek en ek sal iets gou moet oproep op my rekenaar. Dan, terwyl ek verby Outlook gaan, sal my oog ‘n e-pos vang en voor ek my kom kry is ek al weer besig om dit beantwoord. Dan sal Zelka net sê, "Fokus Pa"

Dit is gewoonlik heel genoeg om my aandag weer in lyn te kry. Nou moet ek darem net ter verdediging sê, ‘n paar keer al het ek verniet raas gekry want dit waar ek kwansuis my konsentrasie langs die pad verloor en begin dwaal het, was eintlik al die tyd presies wat ek gesoek het...

Dis amper soos ‘n speelgoed mandjie. Jy weet presies waarna jy soek of moet soek, maar soos jy dieper in die mandjie ingaan en deur die items soek, pop iets uit wat jou aandag aftrek en jy begin met dit speel. Soms gebeur dit dat jy nooit eers uitkom by jou aanvanklike item wat jy gesoek het nie.

Ongelukkig gebeur dit elke dag met Christene ook. Daar is soveel goed wat hulle aandag aflei in ons verhouding met Jesus dat as ons weer sien, is die Here nie meer die prioriteit in ons lewe nie. As jy dalk vandag kan identifiseer dat jy weke, dalk maande laas ‘n liefde in jou hart ervaar het vir Jesus, wil ek jou regtig bemoedig om dalk net jouself weer tot Sy beskikking te stel. Vir Vader te vra om weer die Geestelike fynhout aan die brand te steek en elke dag meer en meer hout op te gooi sodat jy weer jou passie vir die Here kan terugkry. Ek wil jou bemoedig om uit die modder uit te klim, gryp die tou wat Jesus na jou uitgooi, hou net vas, Hy sal jou daar uitkry.

Weet jy hoe geweldig groot is die krag wat God tot jou beskikking stel? Ef 1:18,19 sê "Ek bid dat Hy julle geestesoë so sal verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot Sy krag is wat Hy uitoefen in ons wat glo. Dit is dieselfde kragtige werking van Sy mag wat Hy uitgeoefen het toe Hy Christus uit die dood opgewek en Hom in die hemel aan Sy regterkant laat sit het..."

Dieselfde krag wat Jesus, die Seun van God, uit die dood opgewek het, is dieselfde krag wat Hy in ons uitoefen. Besef jy hoe geweldig dit is?

Laat Hom toe om jou lewe opnuut aan te raak sodat jy hoop en ‘n toekoms kan hê deur Hom vir wie alles moontlik is en wat jou nie sal teleurstel nie.

Blessings vir die week.

Johann

Artikels deur Johann de Jager

Dis mos nou vir jou mielies!

maize2508
So bevind ek my mos toe een dag in 'n gemors. Sleeping Beauty beplan nie sy motor se diens nie en bevind hom tussen Graaf Reinette en Middelburg met opgeblaasde kieste en 'n fronsende dogter wat bestuur. My motorplan is heel streng. As daai liggie…

My Hart

heart2007
Getrou verskyn my Outlook "reminder" presies om 8H00 elke oggend op my rekenaarskerm. My gebedslys verskyn en name daarin is netjies gerangskik ondermekaar. My oê hardloop daaroor en elke oggend is daar ander name wat op my hart gelê word om voor in…

Haal meer uit die lewe op aarde

brief0309
Gedurende ‘n grenskamp in 1989 word almal deur die dominee aangemoedig om huis toe te skryf want die mense by die huis kla hulle nie weet wat aangaan en of hulle mense darem nog “oraait” is nie. Huistoe skryf was vir my altyd lekker en ek het altyd…

Maak die "swop"

Boned_boots
Jare gelede was ek deur my regiment aangewys om saam met 'n klompie ouens ons regiment te verteenwoordig by die 75 bestaansherdenking van die Weermag in die Kaap. Die aand voor die tyd sit ons Samajoor in ons tent en hy is besig om sy skoene te…

Oor ‘n Koppie Koffie (08/10/2008)

En toe raak ons net weg… En die e-posse kom in… Met een sentrale tema; “Is alles oraait?” Alles is (nou weer) oraait en jammer dat ons nie net ten minste ‘n epos uitgekry het om jou net in te lig nie. Ek en Zelda waardeer regtig elke persoon se…

Live up to your challenges

Shaheen-Jafargholi
I was following Britain's Got Talent on the internet after seeing Susan Boyle's performance on YouTube. You would probably know her name by now as she made headlines all over the world and also registered 175 million hits on YouTube. Although her…

Biltong en blomme

Default Image
Die Here wys vir my vanoggend 'n biltong kas. Vars en uitgesoekte snitte vleis word daar opgehang net om dag vir dag uit te droog en uiteindelik versnipper en geëet te word. Dit is hoe dit gaan in sommige kerke. Omrede die predikante, pastore,…

Identiteitskrisis ?

manicure1210
Ek wonder hoeveel mense en miskien moet ek hier dalk net die mans inbring, het al op 'n stadium in sy lewe gewonder, waar pas hy in. ‘n Jaar of wat gelede het ek een aand myself die vraag afvra. Onbewustelik het Jonè (my jongste dogter) daardie aand…

Realiteit

driving0505
Die musiek in my oorfone is lankal reeds stil, al wat oorbly is my ore wat lekker warm gehou word deur hulle. Alles rondom my is stil, die nag trap reeds diep spore en ek sit ingedagte voor die rekenaarskerm toe Conrad besluit om uit te vind hoekom…

“Oorlog”

Oorlog
“Yes Pa, what’s the verdict?” Ek is nog nie eers behoorlik wakker toe ek gekonfronteer word met hierdie vraag nie. “Ja OK. Ek gaan saam”. Glimlagte verskyn oral op almal se gesigte by die aanhoor van hierdie bevestiging. Die laaste keer wat ek saam…

Bergpiek

goldengate
Golden Gate - Oos Vrystaat Jare gelede het ons een naweek Golden Gate in die Oos Vrystaat besoek. Daar is die lekkerste voetpaadjies wat ‘n mens kan volg. Een van hulle en as jy tyd het (dalk moed ook inbring) is om oor die berg te loop. Dit is…

Vrygemaak om te lewe

170108
Die tekenprentjie hiernaas het my nogal aan die dink gesit. Ek was so ietwat onseker of ek dit moet plaas, want soos met skilpad, wat in die animasie prent, “The Hedge”, altyd sê hy kry so ‘n snaakse gevoel in sy stertjie as iets nie reg voel nie…

300 jaar in die kol

Atom Clock
Ek lees onder ons Interesting facts van ‘n cesium atoom wat oor die nege biljoen slae per sekonde slaan in ‘n atoom horlosie. Ek is eerstens bly en hoef nie daai horlosie te olie nie, wat nog meer op te wen. Uitmekaar haal is buite die kwessie. Dink…

As jy my liefhet…

love0109
Anders as waar die betekenis van hierdie opskrif ‘n voorwaarde vervat dat jy iets sal doen om jou liefde te bewys, het ek oor die jare geleer watter verantwoordelik ek teenoor Zelda het wat my liefde vir haar betref. So raak mens maklik gewoond aan…

Laat los en laat God

letgo3007
Die "intro quote" in een oggend se dagstukkie publikasie lees dat as ons nie op God se krag binne ons staatmaak nie, sal ons nie kan staande bly teen die druk rondom ons nie. Die oggend tevore, so in my enigheid, het ek gedink aan die stryd wat ons…

Oom Louis

tweaser171209
Oom Louis, my Pa se jongste broer is sy hele lewe lank ‘n karakter. Stories oor wat hy alles gedoen het en die moeilikheid waarin hy gekom het is legendaries. Maar as ek aan hom dink kan ek nie help om die prentjie te sien waar ons een naweek vir…

Volg Hom

zebra1801
‘n Interressante feit uit ons wildrit was dat blesbokke nie wei met hulle koppe in die rigting van die son nie. Daar is ‘n vlieg wat in hulle neuse kan kom, eiertjies kan lê, wat die bokke nie teen die mure uitdryf nie, maar hulle die bosse kan…

Lewe in Sy goedheid

image
Untitled Document “Het Pa gelees wat jy in vandag se stukkie gesit het? Zelka sit met haar rug na my in ons kantoor. Haar opmerking se trant kan ek nie lekker vasvat nie. My eerste reaksie bevat ‘n tikseltjie paniek; paniek dat ek iets ingesluit het…

Dis maklik om te praat

desperate1510
Dit slaan diep binne my hart. Die pleidooi is soos growwe skuurpapier; jy voel dit oor jou hart se kamers beweeg. Die pyn lê vlak en my moed sink eintlik vêr na benede. Hoe sê jy vir iemand, "alles is OK" as dit nie is nie? Hoe bemoedig jy vir…

Klou vas!

bobbejaanOpRug
Ek kan my altyd verkyk aan hierdie kleintjies wat ewe gedwee en met groot ogies die hele wêreld hier van onder die ma af beloer. Die ma kan maar gaan waar sy wil, swiep deur die bome of gallop op die grond, boetietjie klou vir Afrika. Ek het een…