• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

fishing2907
Jare gelede, het ons een keer gaan uitspan by die kus. Vir ‘n binnelander was varswater visvang nog nooit regtig iets wat my belangstelling kon behou nie. Ek dink dit het te make met twee goed. Eerstens is dit vir my sinneloos om visstokke op standers te sit en die heeldag voor jou uit te staar, en tweedens, die aas wat gebruik word veroorsaak ook ‘n probleem, dit hou nie. Ek eet dit gewoonlik self op.

Hengel by die see is vir my opwindend. Daar is heeltyd aksie. Al is dit nie die visse wat byt nie, is daar altyd beweging op die stok, selfs al word dit net veroorsaak deur strome. Ek kan myself ongelukkig nie klassifiseer as ‘n gesoute “visterman” nie, ek kan selfs nie eers spog oor daai grootte wat weggekom het nie. Daar was eenvoudig nog net nie so een nie. En met wegkom bedoel ek eintlik daar het nog nie eers so een aan my aasies kom proe nie. My visgerei aan die anderkant is ook nog dieselfde wat ek as 11-jarige seuntjie gebruik het in Swakopmund.

Die een oggend is ek oorgehaal om vroeg vroeg stokke te gaan natmaak. Die spesifieke oggend was ek egter nie alleen op die spot wat ek myself toegeken het nie, maar twee ander ouens was ook reeds doenig daar. Nou ja soos met die storie van die pienk toonnaels in die sauna, was daar nie regtig 'n ander keuse as om maar saam te vang nie. Hierdie keer het ek egter Zelda se oupa se visstok (bamboes tipe), krom en vol skete, met 'n miniatuur katrol (altans dit het so gevoel) gereed gemaak om die aas te water te laat. Nou ja, die manlike tostesteroon het 'n uitwerking waar jy nie regtig 'n seggenskap het oor ego nie. My ego het bepaal dat as ek hierdie hoek en sinker nie vêr gaan ingooi nie, is my "image geskend" (Nie dat mans 'n probleem het met image nie nê?)

Die ander twee was toe nog besig om gereed te maak, maar omrede my goed redelik primitief was, was ek natuurlik eerste slaggereed. Ek maak maar ook of ek al ‘n gesoute visterman is en jy presies weet waar jy jou aas in die water wil hê en hoekom. In my binneste het daar egter ‘n ander storie afgespeel. Ek het net geweet, vergeet van die vis, gooi net die aas en sinker so vêr as moontlik in, red net jou naam... My ingooi was toe nie te sleg nie maar nou ook nie juis soveel van 'n treffer nie. Hopelik genoeg om my beeld te red, maar my ego het my herhinner dat die twee maters met hul fancy visstokke, met katrolle so groot soos sokkerballe, vir my soos ‘n kaboutertjie gaan laat lyk.

Wat ek egter nie besef het nie, was dat hierdie maatjies, in hulle grêndgeit, nie hierdie visstokke kon hanteer nie, nog te sê dit kon regkry om die sinker verder as 5 m voor hulle te gooi. Sien, dit was ook hulle eerste keer….. Ek het lekker in my mou gelag, eers vir myselfse testosteroon en toe vir hulle onbeholpenheid.

Voel dit soms vir jou of jy as Christen sovêr te kort skiet as jy na ander Christene kyk? Dis seker maar deel van ons natuur. Ons is heeltyd besig om, dalk soms onbewustelik, onsself te vergelyk en te meet met ander mense, nie net in die sekulêre lewe nie, maar ook geestelik. Ons voel minderwaardig as ons kyk na ander ouens. Hulle lyk so geesvervuld, so geestelik volwasse, so vol geloof, so suksesvol…

Jy voel dalk dat die Here jou nooit kan gebruik nie, jy voel of jy net nooit by daardie hoogsheilige vlak van ander Christene ooit sal by kan uitkom nie. Laat ek jou vandag sê dat jy geensins na ander mense ooit hoef te kyk om jouself te peil nie. In Jesus se teenwoordigheid het ek nie nodig om myself te bewys nie. Jesus kyk net na een ding, en dis jou hart se motiewe. Daar is nie ‘n telkaart in die hemel waarmee ons prestasies en heiligheid gemeet word nie, Jesus gee veel meer aandag aan iemand wat in afhanklikheid na Hom draai en sê: “Here ek het U nodig in my lewe”

Raak rustig en geniet die lewe ! Jy is duur gekoop.

Johann

Artikels deur Johann de Jager

Die eerste stap

Stormyriver
Daar het 'n hewige storm losgebars en die mense van 'n afgeleë dorpie was afgesny van die res van die wereld omrede daar 'n rivier tussen die dorp en die res van die land was. Natuurlik was hierdie nie regtig iets nuut vir die inwoners van die…

“That’s it" nou gaan jy dokter toe

Doktor
Met elke hoesie word ek deur Zelda vermaan. Dis al reeds drie weke gelede dat ek by die dokter was. My antobiotika en 'stropies is lankal op. Ek het al selfs al die half leë hoesstroop botteltjies in al die badkamerkaste deurgewerk. Zelda sê sy…

Wat is die prys van een siel?

onesoul2808
Hoeveel moeite kan 'n mens maak vir een siel? Ek en Zelda gaan drink eenkeer gou koffie en iemand getuig teenoor ons hoe iemand se lewe ten goede verander het of besig om te verander. Erens het Jesus 'n afspraak met die man gehad. Ons is van ons…

Dis soet, bevrydend en waar

cornekrige
"Vandag weet ek wat ek moes gedoen het. Ek moes aanhou stap het. ... Maar wysheid agterna maak van ons almal kenners. Cornè Krige Rapport 30/10/2005. Hierdie opmerking het Cornè Krige gelewer na Kamp Staaldraad. Hulle was verplig om in die koue…

“Oorlog”

Oorlog
“Yes Pa, what’s the verdict?” Ek is nog nie eers behoorlik wakker toe ek gekonfronteer word met hierdie vraag nie. “Ja OK. Ek gaan saam”. Glimlagte verskyn oral op almal se gesigte by die aanhoor van hierdie bevestiging. Die laaste keer wat ek saam…

"Unidentified hopefully consumable objects"

Food
“Wat moet ons hiermee maak?” “Wat is dit?” “Nie ‘n idee nie. Hoort dit hier? Is dit eetbaar?” “Ek kan nie sê nie. Kry een van die ouer garde om hierna te kom kyk” “En terwyl jy daarmee besig is, kyk in die argiewe of jy iets daaromtrent kan opspoor”…

“Dis nou genoeg!”

armed1408
Hulle teenwoordigheid in ‘n winkelkompleks is genoeg om enige persoon ongemaklik te laat voel. Onwillekeurig voel jy soms ongemaklik met hulle rondom jou. Jy voel ongelooflik kwesbaar & weerloos. Jy het definitief al by hulle verbygeloop in die…

Jou oes is gewaarborg

cormfield01
Twee dae van een week was ek in Bothaville. Dit was nogal baie uitputtend omrede ek binne hierdie bestek al my werk moes voltooi. Vroegoggend was ek al oppad om eers sowat 6 nm weer terug te wees in Bloemfontein. Waarvoor ek genoeg tyd gehad het was…

God bly in beheer

gulfwar
Die Golf Oorlog wat destyds erg (amper skryf ek “mooi”) aan die gang. As ek reg kan onthou was dit in die laat tagtigs. Ek kan die dag goed onthou en spesifiek waar ek ook geloop het die oomblik toe die gedagte waaroor ek wil gesels by my opgekom…

Sweef soos ‘n arend

soaring_eagle
“Sweef soos ‘n arend, want Sy liefde dra jou. so hoog, hoog bo die son.” lui die woorde van ‘n liedjie. Inderdaad kan ons so baie leer by die arend. ‘n Arend wag op die regte windstrome voordat hy sy nes sal verlaat. Wanneer hy wel vlieg maak hy…

Some people just don't get it

police0206
Recently I read this story; Two men were taking a coffee break, when an acquaintance rushed in, upset and out of breath. "You won't believe this," he said. "I was almost killed on the way to work this morning." He gasped for breath as he continued:…

Lewe in Sy goedheid

image
Untitled Document “Het Pa gelees wat jy in vandag se stukkie gesit het? Zelka sit met haar rug na my in ons kantoor. Haar opmerking se trant kan ek nie lekker vasvat nie. My eerste reaksie bevat ‘n tikseltjie paniek; paniek dat ek iets ingesluit het…

Stukkende grassnyer

4591698183
Ongelukkig vir Pieter sit hy een Saterdag met ‘n probleem toe sy grassnywer oppak. Normaalweg sou dit nie ‘n probleem gewees het nie, maar vandag van alle dae is dit ‘n krisis. Sy vrou het ‘n tee partytjie in die tuin gereël en die dorp se A-klas…

Wat regtig iets beteken in die lewe

Default Image
Hierdie volgende gedeelte kom uit die inspirational story; Seattle Special Olympics. What truly matters in this life is helping others win, even if it means slowing down and changing our course. Ry vandag net in die verkeer en neem waar hoe ons op…

Kleibolletjie

slip f4e29
‘n Goeie bui reën in ons buurt veroorsaak dat die onderdak parkeerarea vir ‘n paar dae sowat 3 cm diep onder water is. Dis net die een helfte wat die probleem het. Ongelukkig die gedeelte waar my motor geparkeer word. Dit los jou met ongeveer een…

The best motivation

Default Image
Something that really made me think today comes from one our our latest inspirational stories; I am learning that the best motivation, whether we want to accomplish a task, go back to school, start something new or kick a habit, usually comes from…

Blatante eerlikheid

blatant2708
Jy sien sy motiewe sommer met die eerste oogopslag. Daardie kyk in sy oë draai geen doekies om nie. Jy kan maar voorgee dat hy nie bestaan nie en selfs geen verdere oogkontak maak nie, maar daar is geen manier dat jy nie gekonfronteer gaan word nie.…

Trek uit jou plakkies

plakkies01
‘n Spoggerige motor versnel met mening en ek verlustig my in die pêrre wat onder die motorkap uithaal en wys waartoe hulle in staat is. Sovêr as wat ek loop is die grasperke kurkdroog. “So what has this got to do with this story?” “Plenty, Boet,…

Klou vas!

bobbejaanOpRug
Ek kan my altyd verkyk aan hierdie kleintjies wat ewe gedwee en met groot ogies die hele wêreld hier van onder die ma af beloer. Die ma kan maar gaan waar sy wil, swiep deur die bome of gallop op die grond, boetietjie klou vir Afrika. Ek het een…

Maak die "swop"

Boned_boots
Jare gelede was ek deur my regiment aangewys om saam met 'n klompie ouens ons regiment te verteenwoordig by die 75 bestaansherdenking van die Weermag in die Kaap. Die aand voor die tyd sit ons Samajoor in ons tent en hy is besig om sy skoene te…