• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

kaart1308
"Poedingbakkies" was sy naam. Ek en hy was sedert st 5 saam in die klas, in dieselfde koshuis en nogal goeie pêlle. Dis Villiersdorp se wêreld hierdie. In teenstelling met Nollie se geweste het ons krieket pitch darem taai gebly en nie uitermatig uitgedroog nie.

Poedingbakkies het nie verniet sy naam gekry nie. Hy was nie juis sportief en het nooit regtig deelgeneem aan sosiale aktiwiteite nie, maar laat daardie mannetjie vir jou agter 'n klavier inklim en jy het vir hom respek gekry. Daarby het hy so 'n effense boggelruggie gehad - niks êrnstig nie, maar tog 'n bietjie geboë.

"Tier" was die naam van ons geskiedenisonderwyser. 'n Legende uit eie reg en in die laat sewentigs was hy laaaaankal op pensioen, maar hy het kom aflos vir 'n jaar of wat. Wanneer hy gepraat het het die breiery jou laat besef; hy's 'n man van daai geweste. Tier het nooit ooit wat ek hom geken het ooit 'n handboek oopgemaak nie, hy kon jaar in en jaar uit geskiedenis opdis, so asof hy daardie boeke self geskryf het. Brander op brander feite het hy teen 'n ritmiese gang periode na periode voorgedra. Durf jy ooit feite vergelyk uit die boek het hy jou vinnig laat verstaan. "Die boek is vergkeergd, ek is rgeg"

Hy was korterig, en hy het die manier gehad om soms sy bril af te haal, en terwyl die bril se raam so op sy mond gerus het, het hy diep in gedagte al peinsende geskiedenis soos 'n storie oorvertel het, so asof daar 'n film afgespeel het teen die muur.

Dis hier waar Poedingbakkies weer inkom. Vir 'n standerd 8 laaitjie was geskiedenis nou nie juis een van sy gunsteling vakke nie. Maak nie saak hoe diep en interressant geskiedenis uitgehaal kon word uit die verlede nie. Poedingbakkies het redelik agter in die klas gesit, langs my. Vroeg reeds in die periode het hy papier begin kou en so deur die periode natuurlik al hoe meer honger geraak en meer papier in sy mond gestop. Teen die tyd wat hy dit uitgehaal het was dit al pap gekou en dis toe dat die "clown" in Poedingbakkies na vore gekom het. In 'n oomblik van "this is so not Poedingbakkies..." plak hy daardie papperasie op sy liniaal se punt en span hy die liniaal soos 'n voorlaaier terwyl hy mik na Tier se wêreldkaarte.

Tier hop soos hy skrik, toe die papperasie teen die Sahara Woestyn klap, duidelik nie heeltemal seker wat gebeur het nie.

Teen hierdie tyd is Poedingbakkies die "hero". Die nar in hom het geen keer nie. Soos Tier kon meegesleur word na 'n wêreld van die verlede, so is Poedingbakkies in vervoering oor die aandag wat hy kry. Katjie van die baan is 'n mak beskrywing. Repe op repe papier verdwyn in sy kieste terwyl sy oë vonkel van plesier. Net om hom waar te neem maak almal histeries van die lag.

Voor in die klaskamer is Tier reeds weer in vervoering oor 'n veldslag en agter in die klas is "Dingaan Poedingbakkies" besig om sy liniaal oor te haal vir die volgende sarsie. Katjie van die baan beklee die nr 1 "spot" van aandag.

Tier het nog so in gedagte gestaan, diep denkende, bril se raam liggies op sy mond, besig om die volgende woorde te formuleer toe die papier-papperasie hom tref - op die wang. Splat!!...

Arme Tier word uit die geskiedenis geruk tot hier heel voor in die teenswoordige tyd. Hy ruk soos hy skrik.

'n Doodse stilte word soos 'n kombers oor die klas getrek. Poedingbakkies is egter weg...

Genadiglik lui die klok, maar die seuns moet bly sit. Die "hero" is nou 'n "zero" en steeds onsigbaar.

Stadig kom 'n hand naderhand van onder uit 'n bank uit. Poedingbakkies loop bleek voor Tier uit na die afrolkamer. 'n Tier met 'n rottang beteken groot moeilikheid.

Vandag as ek daaraan terugdink lag ek vir kindwees. Ongelukkig druk ons ook soms ons geluk net te vêr Net daardie een treetjie te vêr. Een woord te veel, een aksie te veel. Ek dank die Here dat Hy 'n God van genade is. Dat ons keer op keer van voor af kan begin.

Het jy dalk nodig om vandag "halt" te roep? Moet jy dalk weer na binne kyk. Weer voorraad opname doen. Weer kyk waarheen jou lewe oppad is?

Moenie jou lewe verder mors nie. Dis nie die moeite werd nie.

Johann

Artikels deur Johann de Jager

Net een ding

medical1507
"Gaan jy met hom praat of ek?" Ek sit 'n hanetree van die dokter en die suster af. Hulle staan met hulle rûe na my en hulle skinder van my. "Rede vir u besoek, Mnr de Jager?" Ek en my jongste, Jonè, staan en kyk vir mekaar. "U's gestuur vir 'n…

Lootsvisse (Pilot Fish)

pilot3107
Een aand is ek vasgevang deur ‘n klomp jong manne op TV wat passievol is oor visvang. Ek was nogal verbaas dat een van die manne, ek skat hom so 25 jaar oud, reeds ‘n professionele hengelaar is. Hoe hulle die verskillende visse en die verskillende…

Ek het 'n 'Job' dankie

Apteker
‘n Ongeletterde jong knaap van so 23 jaar oud, wat geen skoolopleiding gehad het nie, stap eendag die apteek binne. Hy gaan reguit na die apteker en vra vir hom of hy asseblief net gou sy telefoon vir ‘n plaaslike oproep kan gebruik. Die apteker…

Geestelike dwelms en penwortels

Image
Ek sukkel om aan die gang te kom, dit voel so vir my of ek op almal se tone trap met elke probeer slag, en ek is nou regtig nie lus om elke sin te verduidelik nie, of altans voel of ek moet nie. Seker dié dat ek vir die soveelste maal oorbegin. Ek…

Nasionale Diensplig

NDP1108
Watter verpestelike gedagte was hierdie darem nie vir seker maar die meeste van ons nie. Hier van Grd 8 af het jy geweet daar kom 'n dag waaroor jy nie veel seggenskap het nie. Jy het altyd stories gehoor by die jonger seuns wat broers gehad het en…

Deur watter lens kyk jy?

Daar is darem maar min dinge wat ‘n mens so kan fasineer soos ‘n verkyker. Gee dit vir enige persoon jonk of oud en die “nuwe” wêreld wat in die lens navore kom sal so ‘n persoon se aandag vashou vir ‘n wyle. Alles lyk mos nou eweskielik nader…wel…

Hy verstaan

walking2207
Ten spyte van die wonderlike voorreg om dag vir dag in die teenwoordigheid van Jesus te kon wees, vou die dissipels se geloof toe Jesus aangestap kom na die bootjie te midde van ‘n storm. Is hulle swakkelinge, het hulle nie ruggraat gehad nie? Daar…

"Who am I?"

number0809
Ek het geen idee nie. Hoekom die man nie eerder in sy ID boekie kyk nie, of dalk eerder vir sy vrou vra "who he is" nie, sal ek nie weet nie. Een ding is verseker, ek sal nie my motor se nommerplaat (soos syne) laat druk met dié woorde op nie. Wel,…

Komposhoop

composhoop1111
Mans kan op verskeie maniere middeljare krisisse beleef. Ek beleef dit in my verbeelding. Waar ander mans vir hulle plat motors of motorfietse aanskaf, het ek vir my 'n petrol aangedrewe "blare blaser" aangeskaf. Die eerste keer toe ek begin wonder…

Die “Basics”

steppingstones1010
Ek wonder of jy al die volgende grappie gehoor het; 'n Pastoor, Predikant en 'n Reverend besluit om saam te gaan visvang. Hulle roei die bootjie so 'n entjie van die kant af en begin alte lekker visvang. Sowat 'n uur en 'n half later is die Reverend…

Jy moet net êrens begin

ConnectWithGod
Die Pa kom elke oggend die kamer van die kind binne. Al wat hy sê is "Word wakker, ek hoop jy het lekker geslaap, dis tyd vir skool toe gaan" So gaan dit jaar in en jaar uit. Elke dag dieselfde roetine. Ek vra vir myself : Watter verhouding het daar…

Sal jy Jesus se Koningkryk beskerm?

JesusCaring
"As ek aan 'n Christen dink, dan hoor ek die ewige verwyte: As jy nie vir Jesus aanneem nie, gaan jy hel toe" Twee meisies het vriende geword in die gym. Die een is 'n Christen, die ander 'n Hindoe. Die Hindoe meise is aan die woord; "Ek glo aan God…

Mistigheid

fog2807
Een oggend was Bloemfontein gehul in ‘n miskombers. Vir Bloemfonteiners is dit nie ‘n gereelde ding nie en dit hou so half en half iets misterieus in. (Dalk is dit net ek…) In Pietermaritsburg se omgewing het ek waargeneem dat padtekens spesifiek…

In my wildste drome

curtain1709
Sy het so 3 huise van ons af gewoon en ek was in Std 3 (Jip dit was nog in daardie era...) en ek was tog so soooo verlief op die meisietjie. My oë het gedurig die horison bespied, op soek na die geringste tekentjie dat sy iewers tog net te voorskyn…

Bergpiek

goldengate
Golden Gate - Oos Vrystaat Jare gelede het ons een naweek Golden Gate in die Oos Vrystaat besoek. Daar is die lekkerste voetpaadjies wat ‘n mens kan volg. Een van hulle en as jy tyd het (dalk moed ook inbring) is om oor die berg te loop. Dit is…

Oudisie

oudisie1708
Ons TV-kyktyd word deesdae letterlik oorgeneem deur “realiteits”-programme. As dit nie is vir iemand wat ‘n Idol wil word, of ‘n model, kitsmiljoenêr, of ‘n kamma dit of dat nie, gaan laai hulle ‘n spul ouens af op ‘n eiland en kyk wie kan oorleef.…

Volg Hom

zebra1801
‘n Interressante feit uit ons wildrit was dat blesbokke nie wei met hulle koppe in die rigting van die son nie. Daar is ‘n vlieg wat in hulle neuse kan kom, eiertjies kan lê, wat die bokke nie teen die mure uitdryf nie, maar hulle die bosse kan…

Live up to your challenges

Shaheen-Jafargholi
I was following Britain's Got Talent on the internet after seeing Susan Boyle's performance on YouTube. You would probably know her name by now as she made headlines all over the world and also registered 175 million hits on YouTube. Although her…

Vlieg jy of skrop jy

tired2501
Onlangs by die gym loop ek iemand raak. So met die nuwejaar se “voorspoedwensery” sê sy sy wil hierdie jaar hoog vlieg soos ‘n arend. Sy is nou moeg om op die grond rond te skrop soos ‘n hoender. ‘n Ander boodskap wat vir my ook pragtig was, was: “…

Jou rekenaar is stadig

slow-pc
Kyk!, as die een of ander slim advertensie nou weer vir my wil sê my rekenaar is stadig... Hulle lê en wag vir my om elke draai. Ek kan nêrens heen "surf" op die internet sonder om heeltyd herhinner te word: "Your PC is slow..." Behoede jou as jy…