• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

Joh 12: 24-26 : "...As 'n koringkorrel nie in die grond val en sterwe nie, bly hy net een; maar as hy sterwe, bring hy 'n groot oes in Wie sy lewe bo My liefhet, verloor dit; en wie sy lewe in hierdie wêreld nie bo My liefhet nie, sal dit vir die ewige lewe behou. As iemand My wil dien, moet hy My volg; en waar Ek is, daar sal my dienaar ook wees. As iemand My dien, sal die Vader hom eer."

Matt 16: 24,25 : “Toe sê Jesus vir sy dissipels: "As iemand agter My aan wil kom, moet hy homself verloën, sy kruis opneem en My volg, want wie sy lewe wil behou, sal dit verloor; maar wie sy lewe ter wille van My verloor, sal dit terugkry.”

Vir die algemene persoon wat hierdie gedeelte lees bring hierdie veel meer 'n boodskap van jy moet dit of dat doen of... Dit kan selfs geinterpreteer word met nog een van vele (onbereikbare) vereistes gestel.

Hierdie hou egter die sleutel tussen om gelowig te wees aan die een kant, en 'n dissipel van Jesus aan die ander kant. Tussen 'n godsdienstige bestaan en 'n lewe waar Jesus jou 'n geesvervulde lewe laat lei. 'n Doellose gewoonte-vormende voetsleep teenoor 'n kragtige werktuig in die hande van God.

Ons het onsself en is oor die jare al so gekondisioneer (van generasie tot generasie), dat ons net elke dag ons Bybel moet lees en darem 'n gebedjie moet opsê, sonder versuim elke Sondag in die kerk moet wees, Sondagskool mag NIE gemis word nie, en jy moet definitief aangeneem en voorgestel word. Wel dan is elkeen vir homself. Die presiese woorde van 'n dominee was eintlik :"Ons kan die perd net tot by die water bring." Die kerk het sy plig gedoen om jou tot hier te bring. Ons koppe was volgeprop met geskrifte en belydenisse. Luister jy voorts na vele argumente oor kontroversiële onderwerpe is dit individuele opinies en standpunte wat seëvier. Die wysheid van die mens self.

Oorerwing het 'n "monster" geskep wat bekend staan as godsdienstigheid. Dit laat ons nie veel beter lyk as die Farisieërs van ouds nie. Al verskil is dat ons wel glo dat Jesus 'n werklikheid is.

Die beginsel van die koringkorrel wat sterf hou die sleutel tot baie van die uitsprake wat Jesus gemaak het. Hoe gaan jy werklik jou medemens liefhê, of vergewe as jou hart nie aangeraak is nie?

Daar moet 'n dag kom waar jy 'n "make over" kry. Eintlik is die proses net nooit voltooid nie, want langs die pad beur die ou korreltjie baie keer terug, en is dit 'n dag tot dag besluit. Voorts kan hierdie ook net begin plaasvind wanneer jy die Here die reg in jou lewe gee.

En dit kan 'n vreesaanjaende idee wees. Om Jesus die reg te gee om jou hele lewe te kan omdop...? Om jou 'n nuwe hart te gee met nuwe idees is nog OK, maar om beheer oor te gee?

Wel ten minste was dit vir my traumaties. Om my huis en my motor aan die Here te gee was nog OK, maar toe ek my vrou en my kinders aan Hom moes gee, was dit my vrees dat ek nou getoets gaan word of ek werklik dit aan Hom gegee het of dat die Here nou vir my na Afghanistan sou stuur as sendeling.....

Wel meer as 10 jaar later kan ek getuig dat die Here nie vir my getoets het daarin nie. Vandag besef ek dat dit veel meer 'n uitverkopenheid is as wat dit 'n toets moet wees. Dit gaan daaroor dat ons in onsself moet sterf sodat Jesus die volle beheer kan kry oor alles, elke gedagte, elke aksie, elke behoefte, elke versugting.

Situasies wat oor ons pad kom is 'n geleentheid om jou wortels dieper te skiet. Om te groei in jou verhouding. Jesus ken jou beter as wat jouself ken, Hy het nie nodig om jou te toets om iets te bewys nie. Ek dink die leerproses het baie te doen om ons te help om geestelik te versterk sodat ons ons maksimale potensiaal op aarde kan bereik om 'n verskil vir Sy koningkryk te maak en om maksimaal uit ons tyd op aarde te haal op alle gebiede. Vrede te ervaar en voorspoed te beleef.

As ek dan nie leer om die Here te vertrou nie sal ek mos altyd my eie heil probeer uitwerk of hoe? Soms moet ons weer om die berg gaan. As ons iets nie reggekry het nie, gaan ons waarskynlik weer die vak moet her.

Daarom is dit so belangrik dat ons in onsself moet sterf. Ons moet ophou om ons eie paadjie uit te kap.

'n Koringkorrel dra al die DNA van sy moederplant. Kry jy vandag ook Jesus se DNA en groei tot volwassenheid in Hom.

Johann de Jager

Artikels deur Johann de Jager

Wat is die prys van een siel?

onesoul2808
Hoeveel moeite kan 'n mens maak vir een siel? Ek en Zelda gaan drink eenkeer gou koffie en iemand getuig teenoor ons hoe iemand se lewe ten goede verander het of besig om te verander. Erens het Jesus 'n afspraak met die man gehad. Ons is van ons…

Griepinspuitings

injection
“Wie moet die inspuiting kry?” vra die Apteker. Ek glimlag en wys eers na my en toe na die res van my gesin wat op parade reg agter my staan. Hy lag en roep twee van sy assistente om te kom help. Ek kom agter die loot vir die beste inspuiter het…

Laat los en laat God

letgo3007
Die "intro quote" in een oggend se dagstukkie publikasie lees dat as ons nie op God se krag binne ons staatmaak nie, sal ons nie kan staande bly teen die druk rondom ons nie. Die oggend tevore, so in my enigheid, het ek gedink aan die stryd wat ons…

Komposhoop

composhoop1111
Mans kan op verskeie maniere middeljare krisisse beleef. Ek beleef dit in my verbeelding. Waar ander mans vir hulle plat motors of motorfietse aanskaf, het ek vir my 'n petrol aangedrewe "blare blaser" aangeskaf. Die eerste keer toe ek begin wonder…

Identiteitskrisis ?

manicure1210
Ek wonder hoeveel mense en miskien moet ek hier dalk net die mans inbring, het al op 'n stadium in sy lewe gewonder, waar pas hy in. ‘n Jaar of wat gelede het ek een aand myself die vraag afvra. Onbewustelik het Jonè (my jongste dogter) daardie aand…

Die fluitende voëltjie

singing051109
My eerste kennismaking met my nuwe maatjie los my met 'n benoudheid. As die voëltjies begin sing en jy sit nog agter die rekenaar beteken dit die nag is verby en die sonsopkoms is nie vêr nie. Wat jou slaap betref, kan jy maak wat jy wil, jy is in…

Slaggate

potholes021010_copy
Jy ken die liedjie; "Hoe ry die boere? (sit-sit so, sit-sit so...)" Ek het my teorie dat hierdie liedjie dalk geskryf was in die tyd dat Voortrekkers met hul waens oor berge en dale rond karjakker het. Ek vermoed voorts dat die "sit-sit so" ontstaan…

Dis mos nou vir jou mielies!

maize2508
So bevind ek my mos toe een dag in 'n gemors. Sleeping Beauty beplan nie sy motor se diens nie en bevind hom tussen Graaf Reinette en Middelburg met opgeblaasde kieste en 'n fronsende dogter wat bestuur. My motorplan is heel streng. As daai liggie…

My eerste salaris

testimony0505
Tydens ‘n diens gee die prediker die geleentheid vir mense om ‘n getuienis te lewer. ‘n Baie welgestelde man staan op en sê; "Ek is ‘n multimiljoenêr en dit is alles te dankie aan die ryklike seëninge van die Here." sê hy. "Ek kan nog die draaipunt…

25 Februarie 2008

Default Image
Ek hoop jy het lekker gerus die naweek! Ons is so gebless met jou wat kom inloer en sal ons nog eendag vir jou ‘n getuienis gee van Bertus (www.hiswordministry.com) se profesie en hoe dit so te sê oombliklik daarna begin gebeur het rakende ons…

Biltong en blomme

Default Image
Die Here wys vir my vanoggend 'n biltong kas. Vars en uitgesoekte snitte vleis word daar opgehang net om dag vir dag uit te droog en uiteindelik versnipper en geëet te word. Dit is hoe dit gaan in sommige kerke. Omrede die predikante, pastore,…

Haal meer uit die lewe op aarde

brief0309
Gedurende ‘n grenskamp in 1989 word almal deur die dominee aangemoedig om huis toe te skryf want die mense by die huis kla hulle nie weet wat aangaan en of hulle mense darem nog “oraait” is nie. Huistoe skryf was vir my altyd lekker en ek het altyd…

Klou vas!

bobbejaanOpRug
Ek kan my altyd verkyk aan hierdie kleintjies wat ewe gedwee en met groot ogies die hele wêreld hier van onder die ma af beloer. Die ma kan maar gaan waar sy wil, swiep deur die bome of gallop op die grond, boetietjie klou vir Afrika. Ek het een…

Verlore vakansiedag

vacation
Daar is twee dinge wat my spoed en gemoed ‘n ernstige knou kan gee. Wat my spoed gee is wanneer ek ‘n dag voor die tyd uitvind die volgende dag is ‘n vakansie dag. Wat my spoed breek is wanneer ek spoed gevang het oor ‘n komende vakansie dag om net…

Jou oes is gewaarborg

cormfield01
Twee dae van een week was ek in Bothaville. Dit was nogal baie uitputtend omrede ek binne hierdie bestek al my werk moes voltooi. Vroegoggend was ek al oppad om eers sowat 6 nm weer terug te wees in Bloemfontein. Waarvoor ek genoeg tyd gehad het was…

Realiteit

driving0505
Die musiek in my oorfone is lankal reeds stil, al wat oorbly is my ore wat lekker warm gehou word deur hulle. Alles rondom my is stil, die nag trap reeds diep spore en ek sit ingedagte voor die rekenaarskerm toe Conrad besluit om uit te vind hoekom…

Zoeloe-impie

running
Ek word so te sê elke dag daaraan herhinner. Dis ‘n beeld wat ek nooit ooit in my lewe sal vergeet nie. Joné (ons jongste dogter) was op daardie tydstip in Graad 7 gewees. Ek het haar die oggend by die skool afgelaai en weggery. ‘n Blok verder moes…

Vrygemaak om te lewe

170108
Die tekenprentjie hiernaas het my nogal aan die dink gesit. Ek was so ietwat onseker of ek dit moet plaas, want soos met skilpad, wat in die animasie prent, “The Hedge”, altyd sê hy kry so ‘n snaakse gevoel in sy stertjie as iets nie reg voel nie…

Kennis of boesemvriend

masai0108
Onlangs op TV was daar ‘n dokumentêre program oor die Masai en veral oor hulle krygsmanne. Met hulle kenmerkende rooi kledingstukke is hulle dalk die Westerse ekwivalent van ‘n Pierre Cardin. As jy dalk nog wonder wie die ouens is, sal jy seker nou…

Sal jy Jesus se Koningkryk beskerm?

JesusCaring
"As ek aan 'n Christen dink, dan hoor ek die ewige verwyte: As jy nie vir Jesus aanneem nie, gaan jy hel toe" Twee meisies het vriende geword in die gym. Die een is 'n Christen, die ander 'n Hindoe. Die Hindoe meise is aan die woord; "Ek glo aan God…