• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

2011-11-24 171422Jy moet die regte perspektief ten opsigte van skoonheid hê: 'Moenie dink dis bloot uiterlike dinge soos haarkapsels, juwele en pragtige klere wat julle mooi maak nie. Julle skoonheid moet veral innerlik wees: blywende beskeidenheid en 'n gemoed wat kalm en rustig is...' (1 Petrus 3:3-4 NLV). 'n Skoonheidshuis het aan kliënte gevra om foto's en 'n kort beskrywing van die mooiste vrou wat hulle ken, in te stuur.

Duisende briewe het ingestroom. Een was so uitsonderlik dat dit aan die president van die maatskappy voorgelê is. Die skrywer was 'n kind uit 'n gebroke huis wat in 'n arm buurt gewoon het. Die kind het, met vele spelfoute, geskryf: ' 'n Pragtige vrou woon in dieselfde straat as ek. Ek besoek haar elke dag. Sy laat my voel dat ek die belangrikste kind in die hele wêreld is. Ons speel dambord en sy luister na my probleme. Sy verstaan my. Wanneer ek uitstap, skree sy altyd agter my aan dat sy trots is op my.' Die seun het sy brief afgesluit met die woorde, 'Hierdie foto wys dat sy die mooiste vrou in die hele wêreld is, en ek hoop om eendag net so 'n pragtige vrou te hê.' Die foto daarby was die van 'n glimlaggende bejaarde vrou, sonder tande en in 'n rolstoel. Haar yl grys hare was agter haar kop in 'n bolla vasgesteek. Haar oë het so gevonkel dat mens skaars die diep plooie op haar gesig raakgesien het. 'Ons kan nie hierdie foto gebruik nie,' het die glimlaggende president gesê. 'Sy sal aan die wêreld wys dat 'n vrou nie ons produkte nodig het om beeldskoon te wees nie.

Bron : Radiokansel