• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

Base JumpingEen aand op TV Nuus wys hulle ‘n brug in Amerika, amptelik die langste boogbrug in daardie land. Op hierdie brug het duisende mense saamgetrek om na 'n groepie mense te bekyk wat die sogenaamde "base jumping" doen.

Nou die wat nie weet wat die "base jumping" (My verklaring van BASE: "Baie Aksie Stunning Einde") ding is nie, dit het letterlik ontstaan toe 'n paar Tarzans die moed bymekaar geskraap het om vanaf hoë geboue, die Eifeltoring, brûe en soortgelyke voorwerpe, te spring. Die enigste kruks was gewoonlik dat jy moes verseker jy maak jouself uit die spore voordat die polisie jou in hegtenis kon neem. Natuurlik was hierdie "base jumpers" 'n uiterse irritasie vir die polisie, nie gepraat van die verleentheid omdat hulle nie die testosteroon-mannetjies kon vastrek nie.

Nou goed, hierdie "base jumpers" het al redelik gesofistikeerd geraak deurdat hulle meer wetlik begin spring het en dis nou hier waar die brug weer inkom. Ek was verwonderd oor die mensemassa wat daar aanwesig was. Eerstens was daar die "pro's". Dis nou die manne met die ondervinding. Hulle het soms snaaks aangetrek en die meeste aandag probeer trek. Dan was daar ook die mense wat op hierdie dag moed bymekaar probeer skraap het om oor hierdie brugheining te spring, valskerm in die hand, net om sodra hulle genoeg spoed opgetel het (wat nodig was om die valskerm te laat ontplooi) die lootsvalskerm te los en te hoop hulle val hulself nie te pletter aan die onderkant nie.

Dan was daar mense, die meeste van hulle wat net hierdie sogenaamde malligheid "aanskou" het van 'n veilige afstand, maar beslis nie wou deelneem nie. Daar was egter van die eerste-keer-mense wat deur al die moeite gegaan het om valskerms aan hulle te gespe, instruksies te ontvang, en bo-op hierdie brug geklim het, die aftelling aangehoor het, MAAR toe die werklik hulle tref, summier besluit het; "Hierdie is nie vir my nie". Punt. Hulle kon nie oorreed word om te spring nie.

Wat was fout? Wel om eerlik te wees, in die eerste plek dink ek persoonlik dis “stupid”.  Dink ‘n bietjie daaraan : Jy spring by 'n brug af en eerstens hoop jy om te onthou om daardie valskermpie te los sodat die hoofvalskerm kan opgaan. Wat van as jy vries tussen êrens en nêrens? Jy lyk soos ‘n vlieënde glimlaggende “po-po” En die glimlag is nie omrede jy dit snaaks vind nie, NEE dis oor die “G-forces” wat jy trek oppad ondertoe. Jy lyk soos die Interflora-mannetjie wat huppel oor blommetjies met ‘n fakkel in een hand.

Komaan......

Verstaanbaar het sekere mense nie die moed om daardie stap te neem, daardie stap wat jou lewe sal verander vir die res van jou lewe, nie. Hier staan jy op bekende turf, maar binne die volgende tree of twee gaan daar soos in niks turf onder jou voete wees wat enigsins bekend gaan voel nie. Jy gaan 'n trap in geloof moet neem, jy moet dit vir jouself kan uitmaak of jy geloof het dat hierdie valskem gaan oopmaak. As jy jouself nie sovêr kan oortuig nie, is jy een van die duisende mense wat daar staan en toekyk.

Daar was 'n ander omie en tannie, wat redelik (en beide ingesluit) vol bravade en luiddrugtig was dat "AS HULLE 20 JAAR JONGER WAS", hulle dit definitief sou doen. En ek uiter die volgende kommentaar in my beste Amerikaanse aksent; "Yeah sure" . Grootmond (as jy my vra), want daar is nie druk op hulle om dit te doen nie. Maklik om te sê "as-ek-was".

Die ander manne wat reeds al hierdie “stap in geloof” ‘n paar maal herhaal het, en gemaklik begin raak het, het toertjies uithaal. Hulle doen bollemakiesies, flips-flaps en wie weet watter moeilike Afrikaansspelbare woorde nog nie!

Ek kon nie anders as om 'n geestelike konnektasie te maak nie.

1. So baie "gelowiges", die meeste van hulle egter nie bereid om regtig die Here te vertrou nie. Sien nie daarvoor kans nie (Die toeskouers)

2. Van die "as-ek-was" mense, vol grootpraat stories van hoe goeie kinders hulle van die Here is, maar die Here net wil ken as hulle Hom nodig het, maar as die Here uitgehelp en die omstandighede verbeter het, maar weer terugval op hulle ou weë.

3. Die mense wat weet wat die regte ding is om te doen, maar nie die guts het om die Here te vertrou nie. Mense wat die oortuiging gekry het, selfs die Here aangeneem het, maar nie bereid is om 'n pad saam met Hom te stap nie. Hierdie mense het egter nie nodig om op hulself te vertrou dat hulle die valskerm sal oopmaak nie, want sien, hulle is reeds aan Jesus se harnas vasgegespe en HY waarborg veiligheid. (nie iets van "success-or-your-money-back" nie. GEWAARBORG en mag ek bysê BEWYS en BEPROEF) Hierdie ouens smag na die lekkerte van hierdie sprong, maar kom nie sovêr om dit te doen nie.

4. Dan is daar die mense wat reeds die eerste sprong agter die rug het. Hulle haal nog nie truuks uit nie, hulle spring bloot op die basiese manier, land soms harderig daaronder, maar kom terug keer op keer vir ‘n volgende sprong.

5. Laastens is daar die hierdie ouens wat al gewoond is aan spring. Man, hulle spring tog te lekker en land altyd sag as hulle elke keer die "basics" toepas wat hulle geleer het. 'n Instrukteur staan altyd byderhand met raad en daad en wys hulle op potensiële foute sodat die ervaring nie ophou en die lekkerte nie verdwyn nie.

Beskryf een van hierdie kategorië jou dalk?

Hoe klink profiel 5 vir jou? Dis eintlik maklik, begin by die “basics”, gespe jou vas aan Jesus se harnas. Ek weet jy sal die sprong geniet.....en terugkom vir nog.....en nog.....en nog. (GEWAARBORG sonder die vrees van 'n "refund")

Johann


Artikels deur Johann de Jager

"Who am I?"

number0809
Ek het geen idee nie. Hoekom die man nie eerder in sy ID boekie kyk nie, of dalk eerder vir sy vrou vra "who he is" nie, sal ek nie weet nie. Een ding is verseker, ek sal nie my motor se nommerplaat (soos syne) laat druk met dié woorde op nie. Wel,…

In my wildste drome

curtain1709
Sy het so 3 huise van ons af gewoon en ek was in Std 3 (Jip dit was nog in daardie era...) en ek was tog so soooo verlief op die meisietjie. My oë het gedurig die horison bespied, op soek na die geringste tekentjie dat sy iewers tog net te voorskyn…

Haelstorm

haelstorm1908
Ons plaaslike radiostasie maak die aankondiging. “Pasop mense, hael is oppad”. Soos meerkatte wat hulle gate soek wanneer ‘n roofvoël op hulle afpyl, is almal op ‘n missie uit om uit die groot gevaar te bly en om skuiling te soek. Almal reageer op…

Die groter prentjie

googleEarth1008
As jy al vantevore op die internet gekyk het na Google Earth of selfs Google se Street View funksie, dan sou jy seker soos ek ook verbaas gestaan het oor wat die sagteware jou alles bied. Eweskielik is die hele wêreld binne bereik vanuit jou…

Kleibolletjie

slip f4e29
‘n Goeie bui reën in ons buurt veroorsaak dat die onderdak parkeerarea vir ‘n paar dae sowat 3 cm diep onder water is. Dis net die een helfte wat die probleem het. Ongelukkig die gedeelte waar my motor geparkeer word. Dit los jou met ongeveer een…

Zoeloe-impie

running
Ek word so te sê elke dag daaraan herhinner. Dis ‘n beeld wat ek nooit ooit in my lewe sal vergeet nie. Joné (ons jongste dogter) was op daardie tydstip in Graad 7 gewees. Ek het haar die oggend by die skool afgelaai en weggery. ‘n Blok verder moes…

Berei reg voor en volhard

NDP1108
Die doel van basiese opleiding in ‘n weermag is nie uitsluitlik om jou net die basiese vaardigheid te gee van wapenhantering, skiet–, veldkuns en soortgelyke goed nie, maar om ‘n groot doel, wat enige troepie seker nooit sal en wil verstaan nie, te…

Vrygemaak om te lewe

170108
Die tekenprentjie hiernaas het my nogal aan die dink gesit. Ek was so ietwat onseker of ek dit moet plaas, want soos met skilpad, wat in die animasie prent, “The Hedge”, altyd sê hy kry so ‘n snaakse gevoel in sy stertjie as iets nie reg voel nie…

Mistigheid

fog2807
Een oggend was Bloemfontein gehul in ‘n miskombers. Vir Bloemfonteiners is dit nie ‘n gereelde ding nie en dit hou so half en half iets misterieus in. (Dalk is dit net ek…) In Pietermaritsburg se omgewing het ek waargeneem dat padtekens spesifiek…

Afleibaarheids sindroom

power_of_god
Het jy al ooit iets in ‘n geselskap kwyt geraak, dalk heel spottenderwys waar die een party dan sal reageer deur te sê; "Yeah right, sit dit op skrif.."? So ‘n oomblik het nou sopas vir my aangebreek. Niemand het dit vir my gevra nie, maar wat ek…

Die kat op die bed

catonbed2210
Daar is 'n een definitiewe reël waarvan ek nie afwyk op 'n bed nie. Dit is eenvoudig en nie moeilik om na te kom nie. Dit ontlok ongelukkig sonder uitsondering, sou so 'n situasie ontstaan, altyd simpatie (en daardie simpatie kom nie van my af nie).…

Die fluitende voëltjie

singing051109
My eerste kennismaking met my nuwe maatjie los my met 'n benoudheid. As die voëltjies begin sing en jy sit nog agter die rekenaar beteken dit die nag is verby en die sonsopkoms is nie vêr nie. Wat jou slaap betref, kan jy maak wat jy wil, jy is in…

Haal meer uit die lewe op aarde

brief0309
Gedurende ‘n grenskamp in 1989 word almal deur die dominee aangemoedig om huis toe te skryf want die mense by die huis kla hulle nie weet wat aangaan en of hulle mense darem nog “oraait” is nie. Huistoe skryf was vir my altyd lekker en ek het altyd…

My Hart

heart2007
Getrou verskyn my Outlook "reminder" presies om 8H00 elke oggend op my rekenaarskerm. My gebedslys verskyn en name daarin is netjies gerangskik ondermekaar. My oê hardloop daaroor en elke oggend is daar ander name wat op my hart gelê word om voor in…

Die “Basics”

steppingstones1010
Ek wonder of jy al die volgende grappie gehoor het; 'n Pastoor, Predikant en 'n Reverend besluit om saam te gaan visvang. Hulle roei die bootjie so 'n entjie van die kant af en begin alte lekker visvang. Sowat 'n uur en 'n half later is die Reverend…

Baklei teen jouself

baklei2907
Een van my geveerde vriende het na ’n lang afwesigheid weer sy opwagting gemaak. Vir redes wat jy nou-nou sal verstaan, weet ek nie te veel van hom af nie. Ek sien hom net so in die verbygaan. Hy’s nogal vinnig. Ek weet wel dat hy aan die kleinerige…

Die eer van God is weggevat

ark1707
Die ark van God is deur die Filistyne afgevat. Paniek breek uit in Israel se geledere. Dertig duisend voetsoldate is gedood en verdryf. Eli kry hierdie tyding en van skok val hy agteroor en sterf. Sy seun Pinihas sterf in dieselfde tyd en sy swanger…

Ontspan

relax2608
Een aand is ek besig om die volgende dag se dagstukkie voor te berei. Daarmee saam gaan gewoonlik 'n spesifieke ritme. Eerstens al die inligting van bo na onder aan die linkerkantste kolom, dan die ander kant. Die meeste inligting aan die linkerkant…

Blatante eerlikheid

blatant2708
Jy sien sy motiewe sommer met die eerste oogopslag. Daardie kyk in sy oë draai geen doekies om nie. Jy kan maar voorgee dat hy nie bestaan nie en selfs geen verdere oogkontak maak nie, maar daar is geen manier dat jy nie gekonfronteer gaan word nie.…

Griepinspuitings

injection
“Wie moet die inspuiting kry?” vra die Apteker. Ek glimlag en wys eers na my en toe na die res van my gesin wat op parade reg agter my staan. Hy lag en roep twee van sy assistente om te kom help. Ek kom agter die loot vir die beste inspuiter het…