• 2014-03-17-12-03-05103719515
  • 2014-03-17-12-03-43195046250
  • 2014-03-17-12-03-071878311798
  • 2014-03-25-03-03-02462461642
2014-03-17-12-03-051037195151 2014-03-17-12-03-431950462502 2014-03-17-12-03-0718783117983 2014-03-25-03-03-024624616424

ConnectWithGodDie Pa kom elke oggend die kamer van die kind binne. Al wat hy sê is "Word wakker, ek hoop jy het lekker geslaap, dis tyd vir skool toe gaan" So gaan dit jaar in en jaar uit. Elke dag dieselfde roetine. Ek vra vir myself : Watter verhouding het daar ontstaan tussen die Pa en sy Kind? Ek dink redelik diep aangesien dit dalk 'n trick question kan wees. Ek beskou alle moontlikhede van alle kante af, maar uiteindelik moet ek erken en tot die gevolgtrekking kom dat daar nie regtig ENIGE verhouding kon gewees het nie. Hoekom nie?, probeer ek myself corner. Want sê ek, daar was nie regtig enige kommunikasie gewees wat die verhouding gestimuleer het nie. Daar was geen geleentheid waar daar 'n regtig 'n twee-gesprek kon gewees het nie.

Dit is vandag ongelukkig ook hoe ons baie keer te werk gaan in ons verhouding met die Here. Ek moet sê as ons hierdie tipe van kommunikasie in 'n huwelik moes inneem sou ek so 'n huwelik maksimum 6 maande gee. (As dit so lank sou gewees het) In teendeel ek dink die voorafgaande verhouding sou 14 dae gehou het. Nou is ons in 'n verhouding met 'n Entiteit, iets waaraan ek nie kan raak nie, nie sommer 'n menslike stem kan hoor nie (behalwe die oortuiging van kommunikasie as 'n donderslag langs jou die grond tref!). Miskien is dit dalk die slagyster waarin ‘n mens onvermydelik trap.

Ek kan onthou as kind in Windhoek (Sub B) het ek elke oggend vir minstens 12 maande elke oggend omtrent op dieselfde plek oppad skool toe gebid vir 'n fiets! Later jare in Villiersdorp, so Std 9 toe my Ma ernstig siek geword het met nierversaking, die smekende gebed elke dag dat my Ma net nie moet sterf nie. Weet jy, die Here het my gebede verhoor, maar ek kon nie deel in die vrede van God nie. Ek kon nie rus vind na waters waar rus was nie. Hoe kon ek as ek dan nie 'n verhouding gehad het met Jesus nie? Wanneer laas het jy spreekwoordelik op Jesus se skoot gesit, in Sy teenwoordigheid Sy vrede ervaar, die gevoel van alles is OK beleef? Die Satan sal ons op enige denkbare manier probeer weghou van God se beloftes, As ons nie 'n keuse maak, die prys bepaal nie, sal ons altyd minkend loop, gebuk onder die probleme en alhoewel God Sy beloftes gestand doen, ons dit met "suffering" beleef en nooit Sy vreugde ervaar nie. Lateraan word ons so lamgelê hierdeur dat dit nie meer juis 'n bargain is om 'n sinvolle verhouding in stand te hou nie. Dan slaan ons terug na roetine (dalk uit skuldgevoel ek kan nie regtig sê nie, maar ek ken die resultaat, ek het dit ook al beleef).

Dink aan ‘n kleintjie wat elke dag die dag aangryp, sy Pa of Ma roer en aan die gang hou. Hulle kuier in die Dieretuin, gaan eet roomys, uitbundig en verspot. Raak soms in die stootkarretjie aan die slaap, die Ma wat gedwee die waentjie stoot. Die kleintjie wat wakker word, en weer laat waai. Later die aand speel hulle in die sitkamer, die Pa op die vloer, die kleintjie bo-oor en anderkant af, 'n gegiggel en gelag. Die kleintjie ervaar nie vrees nie, is vergenoegd, Die kleintjie raak aan die slaap met die volgende gevoel "Hey! wat 'n dag, sien uit na more!!!!"

Terwyl ek die voorlaaste paragraaf skryf en my verlustig in hierdie toneel, sien ek die kind van dieselfde ouderdom, gespanne, verward, bang skaam, verwaarloos eenkant in 'n donkerhoekie, die trane se spore loop in een ry oor die stowwerige wangetjies. Ek sien hierdie kind se oë, groot oopgespêr, onmiskenbaar die duim in die mond, 'n doek of klein handdoekie vasgeklem in die ander los handjie. Die knietjies is opgetrek. Sy het die mooiste krulhaartjies.

Waarnatoe gaan hierdie? Ek weet nie. Ek dink elkeen kan hierdie vir hom/haarself uitpluis waar hy/sy inpas en identifiseer by watter toneel hierdie vir hom/haarself afspeel.

Miskien kan ek afsluit met die volgende.

As jy in toneel 1 inpas, probeer jouself inleef wat mense in toneel 2 moet deurmaak. As jy  jouself met toneel 2 vereenselwig, wil ek jou bemoedig dat daar 'n gelukkiger einde kan wees. Jy moet net êrens begin.

Johann

Artikels deur Johann de Jager

Ek glo in God - dit maak van my ‘n Christen

Jesus_n_radikale_sprong
Mense sê hulle glo in God. Dit maak dan van hulle Christene, reg ? Die Bybel sê die Duiwel en sy tjommies (demone) glo ook, nou hoe dan nou? Die Bybel gaan verder deur te sê, hulle glo nie net ook nie, maar hulle sidder. (In ons aangepaste taal,…

Haal meer uit die lewe op aarde

brief0309
Gedurende ‘n grenskamp in 1989 word almal deur die dominee aangemoedig om huis toe te skryf want die mense by die huis kla hulle nie weet wat aangaan en of hulle mense darem nog “oraait” is nie. Huistoe skryf was vir my altyd lekker en ek het altyd…

Afleibaarheids sindroom

power_of_god
Het jy al ooit iets in ‘n geselskap kwyt geraak, dalk heel spottenderwys waar die een party dan sal reageer deur te sê; "Yeah right, sit dit op skrif.."? So ‘n oomblik het nou sopas vir my aangebreek. Niemand het dit vir my gevra nie, maar wat ek…

Jou oes is gewaarborg

cormfield01
Twee dae van een week was ek in Bothaville. Dit was nogal baie uitputtend omrede ek binne hierdie bestek al my werk moes voltooi. Vroegoggend was ek al oppad om eers sowat 6 nm weer terug te wees in Bloemfontein. Waarvoor ek genoeg tyd gehad het was…

Jy moet net êrens begin

ConnectWithGod
Die Pa kom elke oggend die kamer van die kind binne. Al wat hy sê is "Word wakker, ek hoop jy het lekker geslaap, dis tyd vir skool toe gaan" So gaan dit jaar in en jaar uit. Elke dag dieselfde roetine. Ek vra vir myself : Watter verhouding het daar…

Mistigheid

fog2807
Een oggend was Bloemfontein gehul in ‘n miskombers. Vir Bloemfonteiners is dit nie ‘n gereelde ding nie en dit hou so half en half iets misterieus in. (Dalk is dit net ek…) In Pietermaritsburg se omgewing het ek waargeneem dat padtekens spesifiek…

Volg Hom

zebra1801
‘n Interressante feit uit ons wildrit was dat blesbokke nie wei met hulle koppe in die rigting van die son nie. Daar is ‘n vlieg wat in hulle neuse kan kom, eiertjies kan lê, wat die bokke nie teen die mure uitdryf nie, maar hulle die bosse kan…

Slaggate

potholes021010_copy
Jy ken die liedjie; "Hoe ry die boere? (sit-sit so, sit-sit so...)" Ek het my teorie dat hierdie liedjie dalk geskryf was in die tyd dat Voortrekkers met hul waens oor berge en dale rond karjakker het. Ek vermoed voorts dat die "sit-sit so" ontstaan…

Hierso smeer die salf aan

salf
Ek merk die pyn op haar gesig en die mank stap, soos sy tussen die tafels rondbeweeg om kliënte te bedien. Ek hoor hoe iemand vir haar vra wat makeer. Sy het haar voet geswik. Moet erg wees as ek kyk hoe sy loop. “Jong jy moet vir jou iets aansmeer…

Blatante eerlikheid

blatant2708
Jy sien sy motiewe sommer met die eerste oogopslag. Daardie kyk in sy oë draai geen doekies om nie. Jy kan maar voorgee dat hy nie bestaan nie en selfs geen verdere oogkontak maak nie, maar daar is geen manier dat jy nie gekonfronteer gaan word nie.…

Sweef soos ‘n arend

soaring_eagle
“Sweef soos ‘n arend, want Sy liefde dra jou. so hoog, hoog bo die son.” lui die woorde van ‘n liedjie. Inderdaad kan ons so baie leer by die arend. ‘n Arend wag op die regte windstrome voordat hy sy nes sal verlaat. Wanneer hy wel vlieg maak hy…

Sal jy Jesus se Koningkryk beskerm?

JesusCaring
"As ek aan 'n Christen dink, dan hoor ek die ewige verwyte: As jy nie vir Jesus aanneem nie, gaan jy hel toe" Twee meisies het vriende geword in die gym. Die een is 'n Christen, die ander 'n Hindoe. Die Hindoe meise is aan die woord; "Ek glo aan God…

Kies die regte profiel

Base Jumping
Een aand op TV Nuus wys hulle ‘n brug in Amerika, amptelik die langste boogbrug in daardie land. Op hierdie brug het duisende mense saamgetrek om na 'n groepie mense te bekyk wat die sogenaamde "base jumping" doen. Nou die wat nie weet wat die "base…

Deur watter lens kyk jy?

Daar is darem maar min dinge wat ‘n mens so kan fasineer soos ‘n verkyker. Gee dit vir enige persoon jonk of oud en die “nuwe” wêreld wat in die lens navore kom sal so ‘n persoon se aandag vashou vir ‘n wyle. Alles lyk mos nou eweskielik nader…wel…

Ek is ook maar hier...

parking2107
Eendag oppad terug na Bloemfontein stop ek en Zelda gou vir 'n koffietjie in Graaf Reinette. In ons soektog om 'n parkering te vind naby die Wimpy is die self aangestelde motorwag hopeloos een te veel vir my. Soos dit vir my lyk is vandag die eerste…

Oor ‘n Koppie Koffie (08/10/2008)

En toe raak ons net weg… En die e-posse kom in… Met een sentrale tema; “Is alles oraait?” Alles is (nou weer) oraait en jammer dat ons nie net ten minste ‘n epos uitgekry het om jou net in te lig nie. Ek en Zelda waardeer regtig elke persoon se…

Net een ding

medical1507
"Gaan jy met hom praat of ek?" Ek sit 'n hanetree van die dokter en die suster af. Hulle staan met hulle rûe na my en hulle skinder van my. "Rede vir u besoek, Mnr de Jager?" Ek en my jongste, Jonè, staan en kyk vir mekaar. "U's gestuur vir 'n…

Die “Basics”

steppingstones1010
Ek wonder of jy al die volgende grappie gehoor het; 'n Pastoor, Predikant en 'n Reverend besluit om saam te gaan visvang. Hulle roei die bootjie so 'n entjie van die kant af en begin alte lekker visvang. Sowat 'n uur en 'n half later is die Reverend…

Die groter prentjie

googleEarth1008
As jy al vantevore op die internet gekyk het na Google Earth of selfs Google se Street View funksie, dan sou jy seker soos ek ook verbaas gestaan het oor wat die sagteware jou alles bied. Eweskielik is die hele wêreld binne bereik vanuit jou…

Verkleurmannetjies

cameleon
Hippies het almal blommetjies en VW Beetles vir vervoer, bergklimmers het berge en toue, Vlieëniers het almal vliegtuie, Terroriste bomme en wapens (waarnatoe ek hiermee gaan weet ek nog nie). Tuindienste het almal tuine. 'n Motor verkoopsman,…